ລັດຖະບານຍີ່ປຸ່ນກຽມລົງມະຕິເລື່ອງການສະເໜີກົດໝາຍທີ່ອະນຸຍາດໃຫ້ແຮງງານບໍ່ມີສີມື ຫຼື ບໍ່ມີທັກສະຈາກຕ່າງປະເທດເຂົ້າມາເຮັດວຽກໃນປະເທດຍີ່ປຸ່ນ ແລະ ມີໂອກາດໄດ້ສິດເປັນພົນລະເມືອງ ເພື່ອແກ້ໄຂບັນຫາອັດຕາການເກີດໜ້ອຍ ແລະ ປະເທດກຳລັງເຂົ້າສັງຄົມຜູ້ສູງອາຍຸ.
ທີ່ຜ່ານມາຍີ່ປຸ່ນບໍ່ອະນຸຍາດໃຫ້ແຮງງານທີ່ບໍ່ມີທັກສະຈາກຕ່າງຊາດເຂົ້າມາເຮັດວຽກໃນປະເທດ ແຕ່ຈາກປັດຈຸບັນປະເທດຍີ່ປຸ່ນກຳລັງເຂົ້າສູ່ສະພາບສັງຄົມຄົນສູງອາຍຸ ຂະນະທີ່ອັດຕາການເກີດແມ່ນໜ້ອຍລົງ ທຸລະກິດນ້ອຍເລີ່ມທະຍອຍປິດຕົວລົງເພາະຂາດແຮງງານ ຈິ່ງບໍ່ມີທາງເລືອກອື່ນນອກຈາກການເປີດໂອກາດໃຫ້ແຮງງານບໍ່ມີທັກສະຈາກຕ່າງປະເທດ ເຂົ້າມາເຮັດວຽກໃນຍີ່ປຸ່ນໄດ້.
ນັບຕັ້ງແຕ່ຕົ້ນເດືອນເມສາ 2019 ແຮງງານຕ່າງຊາດກວ່າ 300,000 ຄົນ ສາມາດເຂົ້າເຮັດວຽກໃນຍີ່ປຸ່ນໄດ້ເຊິ່ງວຽກກ່ຽວກັບ ການເຮັດກໍ່ສ້າງ, ການກະເສດ ແລະ ການດູແລຜູ້ສູງອາຍຸ. ເຊິ່ງກົດໝາຍໃໝ່ຈະສ້າງວີຊ່າອອກເປັນ 2 ປະເພດຄື: ແຮງງານຕ່າງຊາດໃນປະເທດທຳອິດຈະຢູ່ໃນຍີ່ປຸ່ນໄດ້ 5 ປີ ຫາກມີທັກສະສູງໃນລະດັບໜຶ່ງ ແລະ ພາສາຍີ່ປຸ່ນພໍໃຊ້ໄດ້ ສ່ວນວີຊ່າປະເພດ 2 ແຮງ ງານຈະມີທັກສະສູງກວ່າປະເພດທຳອິດ ແລະ ສຸດທ້າຍແມ່ນສາມາດຍື່ນຂໍສິດເປັນພົນລະເມືອງອາໃສຢູ່ໃນຍີ່ປຸ່ນຢ່າງຖາວອນໄດ້.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ: news.ch7.com, today.line.me