ໃນຕອນເຊົ້າຂອງວັນທີ 30 ພະຈິກ 2018 ໂຮງແຮມແລນມາກແມ່ຂອງ ຣີເວີໄຊ ໄດ້ເປີດຕົວອາພາດເມັ້ນ ຈໍານວນ 205 ຫ້ອງ, ທີ່ນະຄອນຫຼວງວຽງຈັນ ເພື່ອເປັນການເພີ່ມທາງເລືອກໃໝ່ໃຫ້ແກ່ລູກຄ້າ ໂດຍການເຂົ້າຮ່ວມຂອງທ່ານ ນາງ ອໍລະໄທ ສັນຕິຄົງຄາ ຜູ້ບໍລິຫານໃຫຍ່ຂອງໂຮງແຮມແລນມາກແມ່ຂອງ ຣີເວີໄຊ, ທ່ານ ກົງສຕັອງ ຕັງເຈັສປ, ຜູ້ອໍານວຍການພະແນກຫ້ອງພັກຂອງໂຮງແຮມ ພ້ອມດ້ວຍບັນດານັກທຸລະກິດ ແລະ ແຂກທີ່ມີກຽດເຂົ້າຮ່ວມຢ່າງພ້ອມພຽງ.
ທ່ານ ນາງ ທິບພະວັນ ຈັນສົມພູ, ຜູ້ຈັດການອາພາດເມັ້ນໃຫ້ຮູ້ວ່າ: ການເປີດຕົວອາພາດເມັ້ນຄັ້ງນີ້, ເປັນໂຄງການໃໝ່ຂອງບໍລິສັດ ກິດຕິພົງ ກຣຸບ ເປັນເຈົ້າຂອງດຽວກັບໂຮງແຮມແລນມາກແມ່ຂອງ ຣີເວີໄຊ ໄດ້ເລີ່ມເປີດໃຫ້ຈັບຈອງຫ້ອງໃນກາງປີ 2018 ເປັນຕົ້ນມາ ເຊິ່ງແຕ່ລະຫ້ອງຈະມີເນື້ອທີ່, ຂອບເຂດ, ລາຄາ ແລະ ຈຸດຊົມວິວທີ່ແຕກຕ່າງກັນ ເພື່ອເພີ່ມທາງເລືອກໃຫ້ແກ່ລູກຄ້າທີ່ເຂົ້າມາພັກເຊົາຢູ່ໂຮງແຮມຂອງພວກເຮົາ. ນອກຈາກນີ້, ຍັງມີບໍລິການອື່ນໆ ເຊັ່ນ: ເດີ່ນເທັນນິສ, ຮ້ານກາເຟ, ໂຕະສະນຸກເກີ ພ້ອມນັ້ນ, ລູກຄ້າຍັງສາມາດໃຊ້ບໍລິການຟຣີຢູ່ໃນໂຮງແຮມບໍ່ວ່າຈະເປັນສະລອຍນໍ້າ,ຫ້ອງອອກກຳລັງກາຍ ແລະ ໂຮງຮູບເງົາທີ່ໃກ້ຈະສ້າງສຳເລັດແລ້ວໃນໄວໆນີ້. ສ່ວນຮ້ານອາຫານ ຫຼື ສະປາ ທີ່ຢູ່ໃນໂຮງແຮມແລນມາກ ສາມາດໃຊ້ສ່ວນລົດໄດ້10%.
ນອກຈານນັ້ນຍັງໃຫ້ສ່ວນຫຼຸດ 20% ສໍາລັບລູກຄ້າທີ່ເຊັນສັນຍາໃນໄລຍະໜຶ່ງປີ. ລາຄາເລີ່ມຕົ້ນທີ່ 1 ພັນໂດລາ ຫຼື ປະມານ 8,5 ລ້ານກີບ/ຫ້ອງ. ປັດຈຸບັນ, ມີລູກຄ້າເຂົ້າມາຈັບຈອງແລ້ວປະມານ 50% ມີທັງລູກຄ້າພາຍໃນ ແລະ ຕ່າງປະເທດ ເປັນຕົ້ນແມ່ນລູກຄ້າສະຖານທູດ, ນັກທຸລະກິດ ແລະ ລູກຄ້າບັນດາບໍລິສັດທົ່ວໄປ. ຖ້າຫາກທ່ານສົນໃຈທີ່ຈະເຂົ້າມາພັກເຊົາ ຫຼື ຈັບຈອງໄວ້ເປັນອາພາດເມັ້ນ, ຫ້ອງການ ສາມາດຕິດຕໍ່ພົວພັນໄດ້ທີ່ໂຮງແຮມແລນມາ ຣີເວີໄຊ ສະຖານທີ່ຕັ້ງຢູ່ບ້ານທາດຂາວ ເມືອງສິສັດຕະນາກ ນະຄອນຫຼວງວຽງຈັນ. ເບີໂທ: 021 266 888 Hotline 24 hours: 030 5093240 WhatsApp: 020 77835325.
ຂ່າວ, ຮູບພາບໂດຍ: ໃບບົວ ຈັນທະລັງສີ