ຊີເອັນເອັນລາຍງານວ່າ ເມື່ອເວລາ 13:43 ນາທີ ຂອງວັນທີ 18 ພະຈິກ 2018 ທີ່ຜ່ານມາ ເມືອງຂະໜາດນ້ອຍທີ່ມີຊື່ວ່າ ຢູທ໌ເຈຍກາວິກ (Utqiagvik) ທາງພາກເໜືອຂອງລັດອະລາສກ້າ ໄດ້ພົບກັບແສງສະຫວ່າງຈາກດວງອາທິດເປັນຄັ້ງສຸດທ້າຍຂອງປີນີ້ ເຊິ່ງຈະສົ່ງຜົນໃຫ້ເມືອງແຫ່ງນີ້ບໍ່ໄດ້ພົບກັບແສງສະຫວ່າງຈາກດວງຕາເວັນອີກເປັນເວລາເຖິງ 65 ວັນ ນັ້ນໝາຍຄວາມວ່າເມືອງແຫ່ງນີ້ຈະມີດວງຕາເວັນຂຶ້ນອີກຄັ້ງໃນວັນທີ 23 ມັງກອນ 2019.
ສຳລັບເມືອງ Utqiagvik ມີປະຊາກອນອາໄສຢູ່ 4.000 ຄົນ ກຳລັງເຂົ້າສູ່ຊ່ວງເວລາກາງຄືນທີ່ຍາວນານເກີນ 24 ຊົ່ວໂມງ ເຊິ່ງຮຽກຊ່ວງເວລານີ້ວ່າ Polar night ເປັນປະກົດການທີ່ເກີດຂຶ້ນທີ່ເຂດອາຣ໌ຕິກ ເຊີເຄີ ທີ່ດວງຕາເວັນຈະລັບຂອບຟ້າ ແລະ ດວງຕາເວັນຈະບໍ່ຂຶ້ນເປັນເວລາຫຼາຍສິບວັນ; ເຊິ່ງບໍ່ມີພຽງແຕ່ເມືອງ Utqiagvik ນີ້ເທົ່ານັ້ນ ຍັງມີເມືອງອື່ນໆອີກຫຼາຍເມືອງໃນລັດອະລາສກ້າທີ່ພົບປະກົດການດັ່ງກ່າວ. ໂດຍຈະມີໄລຍະເວລາທີ່ແຕກຕ່າງກັນອອກໄປ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ: posttoday