spot_img
Homeຂ່າວຕ່າງປະເທດລັດຖະບານມົງໂກລີມອບຂອງຂວັນເປັນແກະ 1.050 ໂຕໃຫ້ລັດຖະບານລາວ

ລັດຖະບານມົງໂກລີມອບຂອງຂວັນເປັນແກະ 1.050 ໂຕໃຫ້ລັດຖະບານລາວ

Published on

ໃນຕອນບ່າຍຂອງວັນທີ 23 ພະຈິກ 2018 ທີ່ຜ່ານມາ ຢູ່ສະໜາມບິນສາກົນວັດໄຕ ໄດ້ຈັດພິທີມອບ-ຮັບແກະຈໍານວນ 1.050 ໂຕທີ່ລັດຖະບານມົງໂກລີ ມອບເປັນຂອງຂວັນໃຫ້ແກ່ ລັດຖະບານ ສປປ ລາວ, ຕາງໜ້າລັດຖະບານມົງໂກລີ ກ່າວມອບໂດຍ ທ່ານ ກາລບັດຣ໌າຕ, ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງມົງໂກລີ ປະຈໍາລາວ, ຕາງໜ້າລັດຖະບານລາວ ກ່າວຮັບໂດຍ ທ່ານ ບຸນຂວາງ ຄໍາບຸນເຮືອງ, ຮອງລັດຖະມົນຕີກະຊວງກະສິກໍາ ແລະ ປ່າໄມ້. ຈາກນັ້ນໄດ້ມອບຕໍ່ໃຫ້ກະຊວງປ້ອງກັນປະເທດນໍາໄປລ້ຽງດູ ແລະ ຂະຫຍາຍພັນຕໍ່ໄປ ເຊິ່ງຕາງໜ້າໃຫ້ກະຊວງປ້ອງກັນປະເທດກ່າວຮັບໂດຍ ທ່ານ ພົນຕີ ພູວົງ ວົງພົມ, ຮອງລັດຖະມົນຕີກະຊວງປ້ອງກັນປະເທດ ແລະ ເປັນກຽດເຂົ້າຮ່ວມເປັນສັກຂີພະຍານມີທ່ານ ລຽນ ທິແກ້ວ, ລັດຖະມົນຕີກະຊວງກະສິກໍາ ແລະ ປ່າໄມ້ ພ້ອມດ້ວຍແຂກພາກສ່ວນທີ່ກ່ຽວຂ້ອງເຂົ້າຮ່ວມ.

ແກະຈໍານວນ 1.050 ໂຕທີ່ລັດຖະບານມົງໂກລີນໍາມາມອບເປັນຂອງຂວັນໃຫ້ແກ່ລັດຖະບານລາວຄັ້ງນີ້ ແມ່ນແກະແມ່ພັນຈໍານວນ 850 ໂຕ, ແກະພໍ່ພັນ 25 ໂຕ ແລະ ແກະທົ່ວໄປ 175 ໂຕ ເຊິ່ງແກະທັງໝົດນີ້ແມ່ນມອບໃຫ້ກະຊວງປ້ອງກັນປະເທດນໍາໄປລ້ຽງດູ ແລະ ຂະຫຍາຍແນວພັນຢູ່ສະຖານທີ່ລ້ຽງຂອງກະຊວງປ້ອງກັນປະເທດ 2 ຈຸດຄື: ທົ່ງພູເກັງ ແຂວງ ຊຽງຂວາງ ແລະ ທົ່ງຜາເຈຍ ແຂວງ ຫລວງພະບາງ; ພ້ອມນີ້ ທາງລັດຖະບານມົງໂກລີຍັງໄດ້ສົ່ງຊ່ຽວຊານ 3 ທ່ານມາຊ່ວຍວິຊາການລາວໃນໄລຍະ 3 ເດືອນ, ເຊິ່ງການມອບຂອງຂວັນໃນຄັ້ງນີ້ແມ່ນເພື່ອເປັນການເສີມຂະຫຍາຍສາຍພົວພັນມິດຕະພາບທີ່ມີມູນເຊື້ອມາແຕ່ດົນນານ ລະຫວ່າງ ລາວ-ມົງໂກລີໃຫ້ນັບມື້ແໜ້ນແຟ້ນຂຶ້ນກວ່າເກົ່າ.

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ: ສະຖານທູດມົງໂກລີ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...