ຝົນຕົກໜັກຢ່າງຕໍ່ເນື່ອງເຮັດໃຫ້ປະເທດຊາອຸດິອາລາເບຍເກີດນ້ຳຖ້ວມໜັກ ໂດຍສະເພາະທີ່ທະເລຊາຍເກີດນໍ້າຖ້ວມກະທັນຫັນຕ້ອງເລັ່ງອົບພະຍົບປະຊົນ ແລະ ອູດອອກຈາກພື້ນທີ່ໂດຍດ່ວນ.
ວັນທີ 4 ພະຈິກ 2018 ທີ່ຜ່ານມາ ເວັບໄຊຂ່າວ gulfbusiness.com ເປີດເຜີຍໃຫ້ເຫັນເຫດການຝົນຕົກໜັກ ແລະ ພາຍຸຝົນຟ້າຄະນອງລະດັບປານກາງຫາໜັກ ໃນເມືອງຕ່າງໆເຊັ່ນ: ເມືອງ ມັກກະ, ຈາຊານ, ອັລມະດີນະ, ອັລບາຮາ, ຕະບູກ ແລະ ອີກຫຼາຍໆເມືອງໃນພື້ນທີ່ຂອງປະເທດ ຂະນະທີ່ໂຮງຮຽນໃນຊາອຸດິອາລາເບຍຕ້ອງປິດການຮຽນການສອນຊົ່ວຄາວ.
ສຳນັກງານປ້ອງກັນພົນລະເຮືອນອອກມາເປີດເຜີຍເມື່ອວັນທີ 20 ພະຈິກ 2018ວ່າ ເຫດການນໍ້າຖ້ວມທີ່ເກີດຂຶ້ນເຮັດມີຜູ້ເສຍຊີວິດຢ່າງນ້ອຍ 35 ຄົນ ທົ່ວປະເທດມີປະຊາຊົນຕ້ອງອົບພະຍົບ 4,038 ຄົນ ໃນນັ້ນມີຜູ້ປະສົບໄພທີ່ໄດ້ຮັບການຊ່ວຍເຫຼືອ 2,517 ຄົນ ແລະ ມີຜູ້ເຂົ້າຫຼົບໄພໃນສູນພັກຊົ່ວຄາວປະມານ 2,536 ຄົນ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: springnews, kapook, gulfbusiness