ເມືອງກັນຕາຄາຣ ໄດ້ນໍາຫຸ່ນຍົນບໍລິການເຂົ້າມາບໍລິການລູກຄ້າ ເຊີ່ງມີຊື່ວ່າ: ຈິງເກີ (Ginger) ສູງ 1.5 ແມັດ ຕິດຕັ້ງໂປຣແກຣມການເຮັດວຽກໃຫ້ເຂົ້າໃຈໄດ້ທັງພາສາອັງກິດ ແລະ ພາກສາເນປານ ເປັນກຸນແຈສໍາຄັນທີ່ດຶງດູດລູກຄ້າເຂົ້າໃນຮ້ານ ເພາະມັນມີຄວາມສາມາດເສີບອາຫານໄດ້ຢ່າງດີ ແລະ ເຮັດໃຫ້ລູກຄ້າເພີດເພີນໄປກັບການຮັບປະທານອາຫານ ຖືວ່າການເຮັດວຽກຂອງຫຸ່ນຍົນດັ່ງກ່າວບໍ່ເຮັດໃຫ້ເຈົ້າຂອງຮ້ານຜິດຫວັງຫຍັງເລີຍ.
ສຳນັກຂ່າວຕ່າງປະເທດລາຍງານ ວັນທີ 19 ພະຈິກ 2018 ວ່າ: ຫຸ່ນຍົນດັ່ງກ່າວ, ເປັນຜົນງານພັດທະນາຂອງບໍລິສັດທ້ອງຖິ່ນເນປານ ປາໂອລາ ເທັກໂນໂລຊີ (Paaila Technology) ເປັນບໍລິສັດ ສະຕາຣ-ອັບ (start-up) ທີ່ນໍາເອົາເຕັກໂນໂລຊີ ແລະ ນະວັດຕະກໍາເຂົ້າມາສ້າງທຸລະກິດ. ທີມ ວິເຄາະ ຊາວເນປານ ຜູ້ສ້າງຫຸ່ນຍົນເຜີຍວ່າ: “ຈິງເກີ ເປັນຕົວຊ່ວຍດຶງດູດໃຫ້ລູກຄ້າທຸກເພດທຸກໄວເຂົ້າມາໃຊ້ບໍລິການໃນຮ້ານ ແລະ ເຮັດໜ້າທີ່ເບິ່ງແຍງລູກຄ້າໄດ້ເປັນຢ່າງດີ. ພ້ອມນັ້ນ, ຍັງສາມາດແຕ່ງອາຫານເສີມໄດ້ຢ່າງຄ່ອງແຄ້ວ ແລະ ມີໄຫວພິບໃນການເຈລະຈາກັບລູກຄ້າ ເຮັດໃຫ້ລູກຄ້າເພີດເພີນໄປກັບອາຫານຂອງມື້ນັ້ນ ລູກຄ້າຜູ້ສູງອາຍຸບາງຄົນເຖິງກັບວ່າ: ນີ້ຄືປະສົບການໃໝ່ທີ່ສົມບູນແບບທີ່ສຸດເລີຍ”.
VIDEO: "Please enjoy your meal," says Nepal's first robot waiter, Ginger, as she delivers a plate of steaming dumplings to a table of hungry customers pic.twitter.com/qonYT9EeJ2
— AFP News Agency (@AFP) November 15, 2018
ຫຸ່ນຍົນບໍລິການ ຫຼື ຫຸ່ນຍົນພະນັກງານເສີມອາຫານ ມັນອາດບໍ່ແມ່ນເລື່ອງແປກໃໝ່ສໍາລັບປະເທດທີ່ມີແຕ່ຄວາມກ້າວໜ້າທາງເຕັກໂນໂລຊີ ແຕ່ອາດຈະເປັນເລື່ອງທີ່ໜ້າຕື່ນເຕັ້ນສໍາລັບດິນແດນທີ່ມີວັດທະນະທໍາປະສົມປະສານ ແລະ ຕິດພັນກັບທໍາມະຊາດ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນ, ຮູບພາບຈາກ: thairath.co.th, dailynews.co.th