ປະທານາທິບໍດີສະຫະລັດອາເມລິກາ ຈະອອກກົດ ແລະ ແນວທາງການປະຕິບັດ ສໍາລັບນັກຂ່າວທຸກສໍານັກຂ່າວ ໃຫ້ມີການປະພຶດປະຕິບັດຢ່າງເໝາະສົມ ໂດຍສະເພາະການຕັ້ງຄໍາຖາມ ໃນລະຫວ່າງທີ່ເຂົ້າຮ່ວມງານຖະແຫຼງຂ່າວໃນທໍານຽບຂາວ ຫຼັງຈາກທີ່ເກີດເຫດການໂຕ້ຖ້ຽງກັບນັກຂ່າວຂອງ CNN ພ້ອມກ່າວຢໍ້າຫາກຜູ້ໃດບໍ່ປະຕິບັດຕາມ ສາມາດໄປຕໍ່ໍສູ້ກັນໃນສານ ແລະ ທໍານຽບຂາວ.
ພາຍຫຼັງເກີດເຫດການເມື່ອວັນທີ 6 ພະຈິກ 2018, ທຣໍ້າສັ່ງເຈົ້າໜ້າທີ່ໄປປົດໄມ ແລະ ຍຶດບັດນັກຂ່າວຂອງ ຈິມ ອາຄອສຕາຫົວໜ້ານັກຂ່າວ CNN ປະຈໍາທໍານຽບຂາວ ດ້ວຍຂໍ້ຫາຕັ້ງຄໍາຖາມເລື່ອງ: “ຜູ້ອົບພະຍົບຈາກອາເມຣິກາກາງ”. ຈາກນັ້ນ, ນັກຂ່າວຫຼາຍສໍານັກຂ່າວ ພາກັນຟ້ອງ ທຣໍ້າວ່າ: “ລະເມີດສິດທິນັກຂ່າວໃນການຕັ້ງຄໍາຖາມ” ແລະ ອີກຫຼາຍສໍານັກຂ່າວໄດ້ໃຫ້ການສະໜັບສະໜູນສໍານັກຂ່າວ CNN.
NEW: "People have to behave," Pres. Trump says on Acosta ruling. "We're writing up rules and regulations…If they don't listen to the rules and regulations, we'll end up back in court and we'll win. But more importantly, we'll just leave, and then you won't be very happy." pic.twitter.com/cIYuiPAklA
— ABC News (@ABC) November 16, 2018
ສໍານັກຂ່າວຕ່າງປະເທດລາຍງານຈາກນະຄອນຫຼວງວໍໍຊິງຕັນ ສະຫະລັດອາເມລິກາ ໃນວັນທີ 18 ພະຈິກ 2018 ວ່າ: “ທຣໍ້າ ປະທານາທິບໍດີສະຫະລັດອາເມລິກາ ຮ່ວມກັບທີມງານກໍາລັງອອກຂໍ້ກໍານົດກົດເກນ ແລະ ແນວທາງການປະຕິບັດງານ ສຳຫຼັບການຕັ້ງຄໍາຖາມຂອງບັນດານັກຂ່າວຈາກທຸກສໍານັກ ໃນຂະນະທີ່ຖະແຫຼງຂ່າວຢູ່ທໍານຽບຂາວ ແລະ ທຸກຄົນຕ້ອງຢູ່ພາຍໃຕ້ກົດລະບຽບດຽວກັນ ເພື່ອຄວາມສະເໝີພາບ ແລະ ທັງເປັນການຮັກສາມາລະຍາດ ການໃຫ້ກຽດເຄົາລົບເຊິ່ງກັນ ແລະ ກັນ”.
ທຣໍ້າກ່າວວ່າ: “ນັກຂ່າວທຸກຄົນຄວນໄດ້ຮັບໂອກາດຢ່າງທົ່ວເຖິງໃນການຕັ້ງຄໍາຖາມ ໂດຍບໍ່ມີແຕ່ຄົນໜຶ່ງຖາມຄໍາຖາມໄດ້ຢ່າງຕໍ່ເນື່ອງ ແລະ ເປິດໂອກາດໃຫ້ກັບຄົນອື່ນ ເຊິ່ງສະທ້ອນໃຫ້ເຫັນວ່າທໍານຽບຂາວຕ້ອງການປົກປ້ອງເສລີພາບຂອງສື່ມວນຊົນເຊັ່ນກັນ ຫາກຜູ້ໃດບໍ່ປະຕິບັດຕາມ ສາມາດໄປຕໍ່ໍສູ້ກັນໃນສານ ແລະ ທໍານຽບຂາວ ຫຼື ຈະຢຸດຕິການຖະແຫຼງຂ່າວໃນຂະນະທີ່ຍັງດໍາເນີນຢູ່ ເຊັ່ນດຽວກັນກັບເຈົ້າໜ້າທີ່ຄົນອື່ນຂອງທໍານຽບຂາວສາມາດຍົກເລີກສົນທະນາກັບນັກຂ່າວໄດ້ທັນທີ”.
"Put down the mic."
The indefinite revocation of Jim Acosta’s press credentials came on the heels of a heated exchange between Pres. Trump and Acosta on November 7. A judge today ordered the White House to restore his credentials as the case progresses. https://t.co/NNk9ZCzJnx pic.twitter.com/gTjXVfIr9O
— ABC News (@ABC) November 16, 2018
ຮຽບຮຽງໂດຍ: ໃບບົວ ຈັນທະລັງສີ
ແຫຼ້ງຂໍ້ມູນຈາກ:.dailynews.co.th