ສຳນັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ, ປະເທດສະຫະລັດອາເມລິກາ ເມື່ອວັນທີ 12 ພະຈິກ 2018 ວ່າ ນັກວິໄຈຂອງສູນ ເພື່ອການສຶກສາຍຸດທະສາດລະຫວ່າງປະເທດທີ່ນະຄອນຫຼວງວໍຊິງຕັນ ລະບຸວ່າໄດ້ກວດພົບຖານຍິງຂີປະນາວຸດທີ່ຍັງໃຊ້ງານຢູ່ 13 ແຫ່ງ ທີ່ລັດຖະບານເກົາຫຼີເໜືອຍັງບໍ່ໄດ້ສະແດງໃຫ້ເຫັນ ແລະ ອາດຈະມີຫຼາຍເຖິງ 20 ແຫ່ງ.
ທ່ານ ວິກເຕີ ຊາ, ຫົວໜ້າໂຄງການເກົາຫຼີເໜືອຂອງສູນເພື່ອການສຶກສາຍຸດທະສາດ ແລະ ລະຫວ່າງປະເທດ ເປີດເຜີຍກັບນິວຢອກທາມວ່າ ມັນບໍ່ຄືກັບຖານຍິງທີ່ຢຸດໃຊ້ງານໄປແລ້ວ ເພາະມັນຍັງປະຕິບັດງານໄດ້ຢູ່ ສິ່ງທີ່ທຸກຄົນວິຕົກກັງວົນຄື ປະທານາທິບໍດີໂດນັລທຣໍ້າອາດຍອມຮັບຂໍ້ຕົກລົງທີ່ບໍ່ດີກັບເກົາຫຼີເໜືອ ເຊິ່ງຍອມທຳລາຍຖານທີ່ທົດສອບພຽງແຫ່ງດຽວເທົ່ານັ້ນ ແລະ ຢຸດຕິປະຕິບັດການ 2-3 ຢ່າງເພື່ອນແລກປ່ຽນກັບຂໍ້ຕົກລົງສັນຕິພາບທີ່ມີຕໍ່ ຄິມ ຈອງ ອຶນ.
ສຳລັບຖານຍິງຂີປະນາວຸດຂອງເກົາຫຼີເໜືອແມ່ນກະຈາຍຢູ່ທົ່ວປະເທດທັງຢູໃຕ້ດິນ ມີອຸໂມງລອດເຊື່ອມຕໍ່ລະຫວ່າງໜ່ວຍພູ ເຊື່ອວ່າອອກແບບມາເພື່ອໃຊ້ເກັບຖານຍິງຂີປະນາວຸດເຄື່ອນທີ່ ສາມາດເຄື່ອນທີ່ອອກມາໄດ້ຢ່າງໄວວາ ແລະ ຂຶ້ນປະຈຳການພາກພື້ນດິນເພື່ອປະຕິບັດການ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ: dailynews.co.th