ນາຍົກລັດຖະມົນຕີແຫ່ງລາຊະອານາຈັກ ກຳປູເຈຍ, ຮຸນ ເຊນ ກ່າວໃນກໍລະນີທີ່ໄດ້ແຕ່ງຕັ້ງລູກຊາຍ 3 ຄົນ ດຳລົງຕຳແໜ່ງຂັ້ນສູງໃນກອງທັບ ໃນວັນທີ 8 ພະຈິກ 2018, ໂດຍອ້າງວ່າ: “ລູກຊາຍຂອງຕົນລ້ວນແຕ່ມີຄຸນສົມບັດດີພ້ອມ ແລະ ການສຶກສາສູງ ຈົບລະດັບປະລິຍາໂທ ຫຼື ເອກຈາກຕ່າງປະເທດ ຈຶຶ່ງເໝາະສົມກັບຕຳແໜ່ງ”. ແຕ່ຖືກຝ່າຍຄ້ານ ແລະ ສື່ໂຈມຕີວົງຕະກູນນີ້ຕ້ອງການຮວບອຳນາດ” ຫຼັງຈາກ, ພັກ-ລັດຖະບານຊະນະເລືອກຕັ້ງໄດ້ ສ.ສ ທັງໝົດ 125 ບ່ອນນັ່ງໃນສະພາ ເພາະຝ່າຍຄ້ານຖືກຍຸບໄປ.
ພົທ ຮຸນ ມາເນຕ, ລູກຊາຍຜູ້ທຳອິດ ຂອງສົມເດັດ ຮຸນ ເຊນ, ອາຍຸ 41 ປີ ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງປະທານຄະນະເສນາທິການທະຫານ ກຳປູເຈຍ ແລະ ຜູ້ບັນຊາການກອງທັບທາງບົກ ໃນເດືອນ ກັນຍາ ຈົບການສຶກສາຈາກໂຮງຮຽນນາຍຮ້ອຍເວີສພອຍຂອງອາເມລິກາ; ລູກຊາຍຄົນທີ່ສອງ ພ.ອ ພິເສດ ຮຸນ ມານິຕ, ອາຍຸ 37 ປີ ດຳລົງຕຳແໜ່ງ ຜູ້ບັນຊາການສຳນັກຂ່າວກອງທະຫານ.
ສຳລັບລູກຊາຍຜູ້ສຸດທ້າຍ ຮຸນ ມານີ, ດຳລົງຕຳແໜ່ງສະມາຊິກສະພາຜູ້ແທນລັດຖະບານປະຈຳແຂວງ ກຳປົງສປື ພາກກາງຂອງປະເທດ ແລະ ແນ່ນອນວ່າສັງກັດພັກປະຊາຊົນ ກຳປູເຈຍ (CPP) ຂອງພໍ່ ເຊິ່ງກວດທີ່ນັ່ງທັງ 125 ບ່ອນໃນສະພາຜູ້ແທນລັດຖະບານ ຈາກການເລືອກຕັ້ງໃນທ້າຍເດືອນ ກໍລະກົດ ຜ່ານມາ ນອກຈາກນີ້ ຮຸນ ມານີ ຍັງເປັນເບີ່ງແຍງກິດຈະການຂອງສະຫະພັນເຍົາວະຊົນແຫ່ງຊາດ ເຊິ່ງເປັນອົງການທີ່ເປັນພັນທະມິດກັບພັກ (CPP) ອີກດ້ວຍ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: dailynews.co.th, thairath.co.th