ເພາະດວງຕາເປັນອະໄວຍະວະ ທີ່ມີຄວາມສຳຄັນຂອງຄົນເຮົາ ແຕ່ເມື່ອມີການໃຊ້ດົນເປັນເວລາຍາວນານ ຫລື ເມື່ອເຂົ້າສູ່ໄວສູງອາຍຸ ກໍມັກຈະມີບັນຫາອັນເນື່ອງມາຈາກສຸຂະພາບຂອງດວງຕາທີ່ເສື່ອມຖອຍລົງ ນອກຈາກການດູແລຮັກສາສຸຂະພາບຂອງດວງຕາດ້ວຍການໃຊ້ງານຢ່າງເໝາະສົມແລ້ວ ຍັງຄວນເສີມດ້ວຍການກິນອາຫານທີ່ຊ່ວຍບຳລຸງ ຫລື ຊ່ວຍຫລຸດຄວາມເສື່ອມຂອງດວງຕານໍາອີກ ດັ່ງນັ້ນເຮົາຈຶ່ງຕ້ອງຫາສານອາຫານທີ່ຊ່ວຍຫລຸດຄວາມເສື່ອມຂອງດວງຕາເພື່ອບຳລຸງດວງຕາຂອງເຮົາໃຫ້ດີ
ວິຕາມິນເອ
ວິຕາມິນເອ ກ່ຽວຂ້ອງກັບຕານັ້ນກໍເປັນເພາະວ່າ ວິຕາມິນເອ ຊ່ວຍໃຫ້ເຊລ ຮັບແສງເຮັດວຽກໄດ້ດີ ເມື່ອຮ່າງກາຍຂາດວິຕາມິນເອ ຈຶ່ງເຮັດໃຫ້ເກີດຄວາມລຳບາກໃນການເຫັນເມື່ອຢູ່ໃນທີ່ແສງ ຫລື ມືດ ຄວາມສາມາດໃນການແຍກສີບາງຊະນິດບໍ່ໄດ້ ແລະ ເຮັດໃຫ້ຕາຂາວແຫ້ງ ແກ້ວຕາເປັນບາດແຜ ຫາກຂາດວິຕາມິນເອ ຮຸນແຮງຈະເຮັດໃຫ້ຕາດຳແຫ້ງ ເກີດການອັກເສບ ໄປຈົນເຖິງຂັ້ນເຮັດໃຫ້ຕາບອດໄດ້
ອາຫານທີ່ເປັນແຫລ່ງຂອງ ວິຕາມິນເອ ໄດ້ແກ່ ເຄື່ອງໃນສັດ ຕັບ ໄຂ່ແດງ ນອກຈາກນີ້ຍັງມີໃນອາຫານທີ່ມີ ເບຕ້າແຄໂລທີນ ທີ່ຮ່າງກາຍສາມາດປ່ຽນເປັນວິຕາມິນ ເອໄດ້ ໄດ້ແກ່ ຜັກສີຂຽວ ແລະ ເຫລືອງສົ້ມ ເຊັ່ນ ກາລົດ ໝາກອຶ ຜັກຕໍານິນ ບັອກໂຄລີ ເປັນຕົ້ນ
ສານຕ້ານອານຸມູນອິດລະ
ລູທີນ ແລະ ຊີແຊນທີນ ຈຶ່ງມີຄວາມຈຳເປັນຢ່າງຍິ່ງສຳຫລັບຄົົນທີ່ເຮັດວຽກໃຊ້ສາຍຕາຫລາຍ ເຊັ່ນ ຄົົນທີ່ຕ້ອງນັ່ງເຮັດວຽກໜ້າຈໍຄອມພິວເຕີເປັນເວລາດົນໆ ໃນແຕ່ລະມື້ ຫລື ຕ້ອງເຮັດວຽກຢູ່ກາງແຈ້ງທີ່ມີແສງແດດກ້າ ຄົົນທີ່ຕ້ອງຂັບລົດກາງຄືນເລື້ອຍໆ ທີ່ມັກຈະຖືກແສງໄຟລົດທີ່ແລ່ນສວນມາສ່ອງເຂົ້າຕາເລື້ອຍໆ ນອກຈາກນັ້ນຍັງພົບວ່າການຮັບກິນລູທີນ ແລະ ຊີແຊນທີນ ຈະຊ່ວຍຊະລໍ ແລະ ຫລຸດໂອກາດຂອງການ ເກີດຕາຕໍ້ໄດ້
ໂອເມກ້າ3
ເປັນກົດໄຂມັນທີ່ເປັນໂຄງສ້າງໄຂມັນສຳຄັນໃນສະຫມອງ ແລະ ຈໍປະສາດຕາ ແລະ ເປັນກົດໄຂມັນຈຳເປັນທີ່ຮ່າງກາຍບໍ່ສາມາດສ້າງເອງໄດ້ ຕ້ອງໄດ້ຮັບຈາກອາຫານ ຊ່ວຍປ້ອງກັນດວງຕາແຫ້ງ ພົບໃນນ້ຳມັນສາລີ ນ້ຳມັນຖົ່ວເຫລືອງ ນ້ຳມັນແກ່ນຕາເວັນ ນ້ຳມັນປາ ປາທະເລ ເຊັ່ນ ແຊວມອນ ປາທູ ປາທູນາ ປາຄໍ່ ປາດຸກ ເປັນຕົ້ນ
ໂຮນເກນ-ທັນພືດທີ່ບໍ່ຜ່ານການຂັດສີ
ໂຮນເກນ ມີໃຍອາຫານສູງ ອຸດົມດ້ວຍວິຕາມິນອີ ວິຕາມິນບີລວມ ແຮ່ທາດຕ່າງ ໆ ມີຄ່ານ້ຳຕານຕ່ຳ ຄືຈະຖືກຮ່າງກາຍຍ່ອຍ ແລະ ດູດຊຶມແບບຊ້າໆ ເຮັດໃຫ້ນ້ຳຕານໃນເລືອດຄ່ອນຂ້າງສະໝໍ່າສະເໝີ ຈາກງານວິໄຈພົບວ່າ ການບໍລິໂພກທັນຍະພືດທີ່ຜ່ານກະບວນການຂັດສີນ້ອຍເປັນປະຈຳ ສາມາດຊ່ວຍຫລຸດການເກີດພະຍາດຈໍປະສາດຕາເສື່ອມໄດ້ເຖິງ 8% ອາຫານທີ່ເປັນແຫລ່ງຂອງ ໂຮນເກນ ເຊັ່ນ ເຂົ້າກ້ອງ ເຂົ້າໂອດ ເຂົ້າບາເລ ແລະ ຊີລຽນໂຮນເກນ
ການກິນອາຫານບຳລຸງສາຍຕາ ກໍຄືກັບການບຳລຸງປິ່ນປົວສາຍຕາຈາກພາຍ ໃນ ສ່ວນການປັບພຶດຕິກຳການໃຊ້ສາຍຕາເປັນການເບິ່ງແຍງປ້ອງກັນອັນຕະລາຍກັບສາຍຕາຈາກພາຍນອກ ດັ່ງນັ້ນ ຫາກເຮັດທັງສອງຢ່າງໄປພ້ອມກັນ ກໍຈະຊ່ວຍຖະໜອມແລະ ປິ່ນປົວດວງຕາໃຫ້ຢູ່ກັບເຮົາໄປໄດ້ອີກດົນ