ທາງການອິນໂດເນເຊຍສາມາດເກັບກູ້ກ່ອງດຳ 1 ກ່ອງ ຂອງເຮືອບິນໂດຍສານໄລອ້ອນ ແອ ອາດຈະເປັນກຸນແຈສຳຄັນໃນການໄຂປິດສະໜາທີ່ເຮືອບິນເກີດອຸບັດຕິເຫດໃນທະເລຊວາ ແລະ ອາດຈະນຳໄປສູ່ກການຄົ້ນພົບກ່ອງດຳທີ່ 2 ໃນພື້ນທີ່ແຄບລົງ ໂດຍບໍລິເວນທີ່ພົບກ່ອງດຳທຳອິດນີ້ ຈົມໃນນ້ຳເລີກປະມານ 30 ແມັດ ແລະ ຫ່າງຈາກຈຸດເຮືອບິນທີ່ເກີດເຫດໄດ້ສົ່ງສັນຍານເທື່ອສຸດທ້າຍປະມານ 500 ແມັດ.
Indonesian TV footage shows divers handing over what they say is the black box from the Lion Air jet that crashed into the Java Sea this week. https://t.co/kUfF6shHaw pic.twitter.com/TyO9Y03eWk
— ABC News (@ABC) November 1, 2018
ສຳນັກຂ່າວຕ່າງປະເທດລາຍງານຈາກກຸງຈາກາຕາ ປະເທດອິນໂດເນເຊຍ ວັນທີ 1 ພະຈິກ 2018 ກ່ຽວກັບຄວາມຄືບໜ້າຂອງການປະຕິບັດງານຄົ້ນຫາເບາະແສຖ້ຽວບິນJT 610 ຂອງສາຍການບິນໄລອ້ອນ ແອ ວ່າ ອີງຕາມ, ຄະນະກຳມະການຄວາມປອດໄຟດ້ານຄົມມະນາຄົມແຫ່ງຊາດ ຂອງອິນໂດເນເຊຍ ລາຍງານວ່າ: ທີມນັກດຳນ້ຳສາມາດເກັບກູ້ກ່ອງບັນທຶກຂໍ້ມູນການບິນໄດ້ແລ້ວ 1 ກ່ອງຈາກທັງໝົດມີ 2 ກ່ອງ ເຊິ່ງຂໍ້ມູນພາຍໃນກ່ອງນັ້ນຈະເປັນກຸນແຈສຳຄັນດອກທຳອິດ ທີ່ຈະໄຂປິດສະໜາເຫດການເຮືອບິນດັ່ງກ່າວຕົກ.
ຢ່າງໃດກໍຕາມ ໜ່ວຍງານທຸກພາກທີ່ກ່ຽວຂ້ອງຍັງເຊື່ອວ່າ ການຄົ້ນຫາເບາະແສຂອງຖ້ຽວບິນJT 610 ນັ້ນມາຖືກທາງແລ້ວ ແລະ ສະມາຊິກໃນຄອບຄົວຜູ້ເສຍເຫຍ 189 ຄົນ ໄດ້ທະຍອຍເຂົ້າພົບເຈົ້າໜ້າທີ່ ເພື່ອມອບຕົວຢ່າງດີເອັນເອໄວ້ໃຊ້ສຳຫຼັບການພິສູດເອກະລັກບຸກຄົນ. ນອກນັ້ນ, ຈະສືບຕໍ່ປະຕິບັດໃນບໍລິເວນທີ່ຄົ້ນຫາຕັ້ງແຕ່ຕົ້ນອາທິດ ຍັງມີຊີ້ນສ່ວນຮ່າງກາຍຂອງຜູ້ໂດຍສານ, ຊີ້ນສ່ວນເຮືອບິນ ແລະ ຄາບນ້ຳມັນລອຍຂຶ້ນຟູສູ່ໜ້ານ້ຳ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: reuters.com
ຮູບພາບຈາກ: reuters.com, bbc.com