spot_img
Homeນານາສາລະ4 ວິທີຜ່ອນຄາຍແບບຜິດໆ ທີ່ເຮົາມັກເຮັດຈົນລຶ້ງເຄີຍ

4 ວິທີຜ່ອນຄາຍແບບຜິດໆ ທີ່ເຮົາມັກເຮັດຈົນລຶ້ງເຄີຍ

Published on

Untitled-1

  • ຫລິ້ນ​ໂທລະສັບມືຖື

ທາມລາຍ​ ​ທະ​ວິດ​ເຕີ ​ເຟດ​ບຸ​ກ ຫລື​ ການ​ແຈ້ງ​ເຕືອນ​ຈາກ​ໂປ​ແກມ​ຕ່າງໆ ບໍ່ແມ່ນ​ສິ່ງ​ທີ່​ຊ່ວຍ​ຜ່ອນ​ຄາຍ​ໄດ້ ເພາະ​ມີ​ການ​ວິ​ໄຈ​ພົບ​ວ່າ​ ຄົນ​ເຮົາ​ຈະ​ກວດໂທລະ​ສັບ ​ປະ​ມານ​ທຸກ​ໆ 6 ນາ​ທີ ເຊິ່ງ​ນັ້ນ​ບໍ່ໄດ້ເຂົ້າ​ໃກ້​ການ​ພັກ​ຜ່ອນ​ເລີຍ​ແມ່ນແຕ່​ນ້ອຍດຽວ ​ຖ້າ​ຢາກ​ພັກ​ຜ່ອນ ຢູ່​ໃຫ້​ຫ່າງ​ໂທລະ​ສັບ​ຈະ​ດີກວ່າ ແຕ່​ຖ້າ​​ຫາກ​ພະຍາຍາມ​ແລ້ວ​ກໍ​ຍັງ​ເຮັດ​ບໍ່​ໄດ້ ກໍ​ໄດ້​ເວລາ​ທີ່​ຈະ​ປາ​ໂທລະ​ສັບ​ຖິ້ມ​ໄດ້​ແລ້ວ

  • ບໍ່​ຢູ່ໃນ​ບ່ອນ​ມິດໆ

ຫລາຍ​ຄົນ​ອາດຈະ​ຄິດວ່າ ​ການ​ຜ່ອນ​ຄາຍ​ທີ່​ດີ​ຄື​ການ​ໄປ​ທ່ຽວ​ໃນ​ບ່ອນທີ່​ມີ​ຜູ້​ຄົນ​ຫລາຍໆ ຫລື ​ມີ​ສຽງ​ດັງ​ ​ເຊັ່ນ ການ​ເບິ່ງ​ຄອນ​ເ​ສີດ ໄປ​ທ່ຽວ​ກາງ​ຄືນ ຫລື ​ຍ່າງໄປ​ຫ້າງ​ສັບພະ​ສິນ​ຄ້າ​ຕ່າງໆ ທັງ​ທີ່​ແທ້​ແລ້ວ​ ການ​ຜ່ອນ​ຄາຍ​ທີ່​ດີ​ທີ່ສຸດ​ກໍ​ຄື​ການ​ຢູ່​ລ້າໆ ໃນ​ບ່ອນ​ມິດໆ ເຊິ່ງ​ຄວາມ​ມິດ​ນີ້​ ​ທີ່​ຈະ​ຊ່ວຍ​ເຮັດໃຫ້​ເຮົາ​ສາມາດ​ທີ່​ຈະ​ເລືອກ​ກັບ​ສິ່ງ​ຕ່າງໆ ໄດ້​ຫລາຍ​ຂຶ້ນ​ ແລະ ​ຊ່ວຍ​ເຮັດໃຫ້​ຄວາມ​ຄິດ​ສ້າງສັນ​ດີ​ຂຶ້ນ 

  • ອ່ານໜັງສືໃນ ແທັບເລັດ
    ຖ້າ​ຫາກ​ເຈົ້າ​ເປັນ​ຄົົນທີ່​ມັກ​ອ່ານ​ຫນັງສື​ກ່ອນ​ນອນ ການ​ອ່ານ​ຫນັງສື​ກໍ​ເປັນ​ວິທີ​ຜ່ອນ​ຄາຍ​ທີ່​ດີ​ວິທີ​ໜຶ່ງ ແຕ່​ກໍ​ບໍ່​ຄວນ​ອ່ານ​ຫນັງສື​ຈາກ​ແທັບ​ເລັດ ເພາະ​ມັນ​ຈະ​ບໍ່​ໄດ້​ຊ່ວຍ​ໃຫ້​ຜ່ອນ​ຄາຍ​ລົງ ເພາະ​ມີ​ການສຶກສາ​ໜຶ່ງ​ສະແດງ​ໃຫ້​ເຫັນ​ວ່າ ​ແສງ​ສີ​ນ້ຳ​ຟ້າ​ທີ່​ຫລາຍ​ຈາກ​ຈໍ​ແທັບ​ເລັດ ​ຫລື ​ໂທລະ​ສັບ​ນັ້ນ​ ຈະ​ໄປ​ລົບກວນ​​ຕໍ່​ການ​ຫລັບ​ຕາ​ຂອງ​ເຮົາ ​ແລະ ​ເຮັດໃຫ້​ເຮົາ​ນອນ​ຫລັບ​ໄດ້​ຍາກ​ຫລາຍ​ຂຶ້ນ ​ແຖມ​ຍັງ​ເຮັດໃຫ້​ຝັນ​ຮ້າຍ​ນໍາອີກ​ ດັ່ງ​ນັ້ນ​ເທື່ອ​ໜ້າ​ຖ້າ​ຢາກ​ອ່ານ​ຫນັງສື​ເພື່ອ​ຜ່ອນ​ຄາຍ​ລອງ​ຫາ​ຫນັງສື​ໜຶ່ງ​ຫົວ​ມາ​ອ່ານ​ແທນ​ດີກວ່າ​
  • ຄິດ​ຫລາຍ​ເກີນ​ໄປ

ໃນ​ໄລຍະ​ເວລາ​ພັກ​ຜ່ອນ ເປັນ​ເວລາ​ທີ່​ຈະ​ຄວນ​ຈະ​ຢຸດ​ພັກ ເຊົາຄິດ​​ເລື່ອງ​ຕ່າງໆ ບາງ​ຄົນ​ເຖິງແມ່ນວ່າ ​ຈະ​ກຳ​ລັງ​ຜ່ອນ​ຄາຍ​ຢູ່ ແຕ່​ໃນ​ຫົວ​ກັບ​ຄິດ​ເລື່ອງ​ຕ່າງໆ ຫລວງຫລາຍ ເຊິ່ງ​ນັ້ນ​ກໍ​ບໍ່​ໄດ້​ເຮັດໃຫ້​​ເຊົາຄິດ​ຫລາຍ ແຕ່​ຈະ​​ເຮັດໃຫ້​ຄຽດ​ຫລາຍ​ຂຶ້ນ​ກວ່າ​ເກົ່ານໍາ​ອີກ​ ດັ່ງ​ນັ້ນ​ຖ້າ​ຫາກ​ຕ້ອງ​ການ​ພັກ​ຜ່ອນ​ແທ້ໆ ກໍ​ເຊົາ​ຄິດ​ສາ ຫລື​ຖ້າ​ເຊົາຄິດ​ບໍ່​ໄດ້​ກໍ​ໃຫ້​ຄິດ​ຫຍັງ​ໃນ​ແງ່​ບວກ​ໃຫ້​ຫລາຍ​ຂຶ້ນ ກໍ​ຈະ​ຊ່ວຍ​ເຮັດໃຫ້​ມີ​ຄວາມ​ສຸກ​ ແລະ ​ຜ່ອນ​ຄາຍ​ຫລາຍ​ຂຶ້ນ​

ການ​ພັກ​ຜ່ອນ​ເພື່ອ​ຜ່ອນ​ຄາຍ​ສະຫມອງ​ ແລະ ​ຮ່າງກາຍ​ເປັນ​ສິ່ງ​ທີ່​ຈຳ​ເປັນ ເພາະ​ຮ່າງກາຍ​ຂອງ​ເຮົາ​ທຸກ​ຄົນ​ມີ​ຂີດ​ຈຳ​ກັດ ຫາກ​ເຮົາ​​ຄຽດ​ກັບ​ການ​ເຮັດວຽກ ​ແລະ ​ການ​ຮຽນ​ຫລາຍ​ເກີນ​ໄປ​ຈົນ​ບໍ່​ພັກ​ຜ່ອນ​ ກໍ​ອາດຈະ​ເຮັດໃຫ້​ເກີດ​ບັນຫາ​ສຸຂະພາບ​ທັງ​ທາງ​ຮ່າງກາຍ ​ແລະ ​ຈິດ​ໃຈ​ໄດ້ ດັ່ງ​ນັ້ນ​ຖ້າ​ຫາກ​ມີ​ໂອ​ກາດ ຫາ​ກິດຈະກຳ​ເຮັດ​ເພື່ອ​ຜ່ອນ​ຄາຍ​ຄວາມ​ຄຽດ​ລະຫວ່າງ​ການເຮັດວຽກນຳ​ ແລ້ວ​ກໍ​ຄວນ​ຈະ​ເລືອກ​ໃຫ້​ຖືກ​ວິທີ ຫລີກ​ລ້ຽງ​ວິທີ​ຜິດໆ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...