ບໍລິສັດເບຍລາວ ອອກແຈ້ງການໃນວັນທີ 29 ຕຸລາ 2018, ເລກທີ 2713/ບລ; ເຖິງບັນດາລູກຄ້າ ແລະ ຕົວແທນຈຳໜ່າຍເບຍລາວທົ່ວປະເທດ ກ່ຽວກັບການປັບປຸງລາຄາຂາຍຜະລິດຕະພັນສິນຄ້າຂອງບໍລິສັດເບຍລາວ ເພື່ອເຮັດໃຫ້ການດຳເນີນທຸລະກິດຂອງບໍລິສັດມີສະພາບຄ່ອງ, ສາມາດແຂ່ງຂັນໃນຕະຫຼາດ ແຈ້ງການດັ່ງກ່າວ, ເລີ່ມປະຕິບັດແຕ່ວັນທີ 30 ຕູລາ 2018 ເປັນຕົ້ນໄປ.

ເນື່ອງຈາກອັດຕາເງິນເຟີ້ ແລະ ລາຄາຜະລິດຕົ້ນທຶນການຜະລິດໄດ້ເພີ່ມຂຶ້ນຢ່າງຕໍ່ເນື່ອງ, ບໍລິສັດເບຍລາວຈຶ່ງໄດ້ອອກແຈ້ງການກຳນົດລາຄາຂາຍຍົກໃໝ່ ເຊິ່ງການກຳນົດລາຄາເບຍດັ່ງກ່າວ, ໃຫ້ລູກຄ້າ ແລະ ຕົວແທນບໍລິສັດເບຍລາວທຸກຄົນ ຕ້ອງປະຕິບັດຕາມລາຄາທີ່ໄດ້ກຳນົດຢ່າງເຂັ້ມງວດ ເພື່ອຮັບປະກັນບໍ່ໃຫ້ມີຜົນສະທ້ອນຕໍ່ລູກຄ້າ ແລະ ຜູ້ບໍລິໂພກໃນຕະຫຼາດ.

• ເບຍລາວແກ້ວໃຫຍ່ 640 ml ລາຄາເກົ່າ 90.000 ກີບ/ລັງ ປັບເປັນ 93.000 ກີບ/ລັງ, ລາຄາລວມລັງ 108.000 ກີບຕໍ່ລັງ.
• ເບຍລາວແກ້ວໃຫຍ່ 640 ml ລາຄາເກົ່າ 94.000 ກີບ/ແກັດ ເປັນ 97.000 ກີບ/ແກັດ, ລາຄາລວມແກັດ 103.000 ກີບ/ແກັດ.
• ເບຍລາວແກ້ວນ້ອຍ 330 ml ລາຄາເກົ່າ 105.000 ກີບ/ແກັດ ເປັນ 115.000 ກີບ/ແກັດ, ລາຄາລວມແກັດ 125.000 ກີບ/ແກັດ.
• ເບຍດຳແກ້ວນ້ອຍ 330 ml ລາຄາເກົ່າ 135.000 ກີບ/ແກັດ ເປັນ 145.000 ກີບ/ແກັດ, ລາຄາລວມແກັດ 155.000 ກີບ/ແກັດ.
• ເບຍລ້ານຊ້າງແກ້ວໃຫຍ່ 640 ml ລາຄາເກົ່າ 55.000 ກີບ/ລັງ ເປັນ 60.000 ກີບ/ລັງ, ລາຄາລວມລັງ 75.000 ກີບ/ລັງ.
• ເບຍສົດ-ເບຍລາວ ລາຄາເກົ່າ 11.000 ກີບຕໍ່ລິດ ເປັນ 11.500 ກີບຕໍ່ລິດ.

ລາຍລະອຽດສາມາດເບິ່ງໄດ້ຕາມຮູບແຈ້ງການ.

ຮຽບຮຽງ: ໃບບົວ ຈັນທະລັງສີ

ແຫຼ່ງຂໍ້ມູນ, ຮູບພາບຈາກ: ບໍລິສັດເບຍລາວ