ເມື່ອເວລາປະມານ 02.00 ໂມງ ຂອງວັນທີ 29 ຕຸລາ 2018 ກົມອຸຕຸນິຍົມວິທະຍາຂອງໄຕ້ຫວັນ ພະຍາກອນອາກາດວ່າ ຄວາມກົດດັນອາກາດສູງໃນມະຫາສະໝຸດແປຊີຟິກກໍ່ໃຫ້ເກີດພາຍຸໄຕ້ຝຸ່ນ ຢີ່ຖູ່ ພາຍຸຫົວທີ 26 ມີຈຸດສູນກາງຢູ່ຫ່າງຈາກແລມເອີ໋ຫຼວນປີ໋ ທາງໃຕ້ສຸດຂອງເກາະໄຕ້ຫວັນປະມານ 850 ກມ. ກຳລັງເຄື່ອນຕົວໄປທາງທິດຕາເວັນຕົກດ້ວຍຄວາມໄວລົມ 17ກມ/ຊົ່ວໂມງ ແລະ ກຳລັງເຄື່ອນຕົວໄປທາງທິດຕາເວັນອອກຕໍ່ເນື່ອງ ຄາດວ່າຫຼັງພັດຜ່ານເກາະລູຊອນຂອງຟິລິປິນແລ້ວ ຈະເຂົ້າສູ່ທະເລຈີນໃຕ້ ມຸ່ງໜ້າໄປທີ່ຈີນແຜ່ນດິນໃຫຍ່ ໃນຊ່ວງວັນທີ 31 ຕຸລາ – 1 ພະຈິກ 2018 ນີ້ ແລະ ເນື່ອງຈາກອິດທິພົນຮອບນອກຂອງພາຍຸໄຕ້ຝຸ່ນ ບວກກັບລົມມໍລະສຸມຕາເວັນອອກສຽງເໜືອ ເຮັດໃຫ້ຕັ້ງແຕ່ວັນທີ 31 ຕຸລາ ຈົນເຖິງວັນທີ 3 ພະຈິກ 2018ນີ້ ໄຕ້ຫວັນຈະມີສະພາບອາກາດເຢັນ ແລະ ຊຸ່ມຂຶ້ນ ໂດຍສະເພາະພາກເໜືອ ແລະ ພາກຕາເວັນອອກ.
ສຳນັກງານບໍລິຫານບັນຍາກາດ ພູມສາດ ແລະ ດາລາສາດຂອງຟີລິປິນ (ປາກາຊາ) ອອກປະກາດໃຫ້ປະຊາຊົນໃນເກາະລູຊອນ ທາງເໜືອຂອງປະເທດ ກຽມພ້ອມຮັບມືກັບພາຍຸໄຕ້ຝຸ່ນຢີ່ຖູ່ ຫຼື ທີ່ຟິລິບປິນ ເອີ້ນວ່າໄຕ້ຝຸ່ນໂຣຊີຕາ ໂດຍຄາດວ່າຈະພັດຂຶ້ນຝັ່ງໃນວັນທີ 29-30 ຕຸລາ 2018ນີ້.
ຮຽບຮຽງຂ່າວ: ບຸດສະດີ ສາຍນ້ຳມັດ
ແຫຼ່ງຂໍ້ມູນ ແລະ ຮູບພາບ: sanook, th.rti.org.tw