ເນື່ອງຈາກຝົນຕົກໜັກ ແຕ່ຄືນວັນທີ 16 ຫາເຊົ້າວັນທີ 17 ກັນຍານີ້ ສົ່ງຜົນໃຫ້ ນໍ້າໄຫລຖ້ວມຕົວເມືອງຫລວງພະບາງ
ຫລາຍຈຸດ, ເປັນຜົນມາຈາກທໍ່ລະບາຍອອກບໍ່ທັນ ເຮັດໃຫ້ນໍ້າຍຶ່ງຂຶ້ນຖ້ວມຈຸດທີ່ຕໍ່າ ເຊ່ິງໜັກກວ່າໝູ່ແມ່ນເຂດວັດປ່າ
ຫຍ້າທຶບ ຕີນພູໂຮງຮຽນສັນຕິພາບບ້ານວຽງໃໝ່ ແລະ ເຂດລ້ອງຫ້ວຍມາວ ບ້ານນາສ້າງເຫວີຍ ສົ່ງຜົນໃຫ້ນ້ຳໄຫລເຂົ້າ
ຖ້ວມເຮືອນຊານຂອງປະຊາຊົນຫລາຍຫລັງໃນເຂດດັ່ງກ່າວ ຊັບສິນ, ສັດລ້ຽງ, ເຄື່ອງໃຊ້ຕ່າງໆ ໄດ້ຮັບຄວາມເສຫາຍ
ແລະ ຮ້າຍແຮງກວ່ານັ້ນ ແມ່ນເຂດບ້ານຂົວທີໜຶ່ງ ເຮືອນຊານຖືກນໍ້າຊຸຫັກພັງ ແລະ ຂົວຂາດ. ເຊິ່່ງປັດຈຸບັນປະຊາຊົນ
ບ້ານໃກ້ຄຽງໄດ້ເຂົ້າຊ່ວຍຂົນເຄື່ອງຂອງທີ່ຈໍາເປັນອອກໄວ້ບ່ອນສູງໄດ້ແລ້ວ. ນອກຈາກຈຸດດັ່ງກ່າວແລ້ວ ຍັງມີເຂດນາ
ຫລວງ, ບ້ານພະບາດ, ບ້ານວຽງໃໝ່ ກໍໄດ້ຮັບຜົນກະທົບເຊັ່ນດຽວກັນ ສ່ວນໜ່ວຍງານໄຟຟ້າກໍໄດ້ເລັ່ງລົງເຂດເກີດນໍ້າ
ຖ້ວມ ຕັດໄຟຟ້າເພື່ອຄວາມປອດໄພຂອງປະຊາຊົນ.
ນອກນັ້ນ, ຍັງມີຈຸດທີ່ນໍ້າຍຶ່ງຂຶ້ນຖ້ວມທາງສູງເກືອບ 50-60 ຊັງຕີແມັດ ຢູ່ໃຈກາງເມືອງຄື ຈຸດເສັ້ນທາງສີສະຫວ່າງວົງຕະ
ຫລາດກາງຄືນ ຕໍ່ໜ້າວິທະຍຸກະຈາຍສຽງຫລວງພະບາງ ແລະ ເຂດຕີນພູໂຮງຮຽນສັນຕິພາບ, ສີ່ແຍກວິທະຍາໄລຄູ,
ບ້ານນາຫລວງ, ບ້ານໂພນແພງ ອັນໄດ້ເຮັດໃຫ້ການສັນຈອນໄປມາພົບຄວາມຫຍຸ້ງຍາກ, ລົດຄາຍາວຢຽດເປັນກິໂລ
ແມັດ ໂຊກດີບໍ່ມີຜູ້ໄດ້ຮັບບາດເຈັບ ແລະ ເສຍຊີວິດແຕ່ຢ່າງໃດ.
ແຫລ່ງຂ່າວ: ລາວພັດທະນາ