ທ່ານ ຫງວຽນ ຟູ້ ຈ່ອງ (Nguyen Phu Trong) ຖືເປັນນັກການເມືອງຄົນທຳອິດຕັ້ງແຕ່ອະດີດປະທານປະເທດ ໂຮ່ ຈີມິນ ໂດຍໄດ້ຮັບ 2 ຕຳແໜງພ້ອມກັນຄື ເລຂາທິການພັກກອມມູນິດ ແລະ ປະທານປະເທດແຫ່ງ ສສ ຫວຽດນາມ.
ສຳນັກງານຕ່າງປະເທດລາຍງານຈາກນະຄອນຫຼວງຮ່າໂນ້ຍ ປະເທດ ຫວຽດນາມ ໃນວັນທີ 23 ຕຸລ 2018 ວ່າ: ສສ ຫວຽດນາມ ແຕ່ງຕັ້ງ ທ່ານ ຫງວຽນ ຟູ້ ຈ່ອງ ດຳລົງຕຳແໜງເປັນປະທານປະເທດຄົນທີ 9 ຂອງປະເທດ ດ້ວຍການລົງຄະແນນສຽງເຫັນດີກັນລົງຄະແນນສຸງເຖິງ 99,8%, ຄິດເປັນຄະແນນດິບ 477 ຄະແນນ. ທ່ານ ຫງວຽນ ດຳລົງຕຳແໜງເປັນປະທານປະເທດ ສສ ຫວຽດນາມ ແທນ ທ່ານ ເຈີ່ນ ດ້າຍ ກວາງ ທີ່ໄດ້ສິ້ນສຸດໃນການເປັນປະທານປະເທດເມື່ອວັນທີ 21 ກັນຍາ 2018 ຜ່ານມາ. ໃນຂະນະທີ່ ທ່ານ ນາງ ດັ່ງ ຖິ ງອກ ຖິງ ປະຕິບັດຮັບໜ້າທີ່ຮັກສາການໃນຕຳແໜງປະທານປະເທດໃນຊ່ວງເວລາຜ່ານມາ ດຳລົງຕຳແໜງຮອງປະທານປະເທດຕາມເດີມ ແລະ ນາຍົກລັດຖະມົນຕີຍັງເປັນ ທ່ານ ຫງວຽນ ຊວນ ຟຸກ.
ນອກຈາກນັ້ນ, ທ່ານ ຫງວຽນ ຟູ້ ຈ່ອງ ອາຍຸ 74 ປີ ຍັງໄດ້ຄວບຕຳແໜງເລຂາທີການພັກກອມມູນິດຫວຽດນາມອີກດ້ວຍ ເຊິ່ງຢູ່ໃນຕຳແໜ່ງນີ້ມາຕັ້ງແຕ່ປີ 2011, ທ່ານ ຫງວຽນ ຟູ້ ຈ່ອງ ຈິ່ງສ້າງປະຫວັດສາດເປັນຜູ້ນຳຫວຽດນາມຄົນທີ 2 ທີ່ດຳລົງຕຳແໜງສຳຄັນທາງການເມືອງພ້ອມກັນ 2 ຕຳແໜ່ງ ນັບຕັ້ງແຕ່ສະໄໝ ປະທານ ໂຮ່ ຈີມິນ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນ, ຮູບພາບຈາກ: dailynews.co.th