ກະຊວງອຸດສາຫະກຳ ແລະ ການຄ້າ ອອກແຈ້ງການສະບັບເລກທີ 1480/ອຄ.ກຄພນ, ລົງວັນທີ 23 ຕຸລາ 2018 ເຖິງສະມາຄົມນໍ້າມັນເຊື້ອໄຟ ແລະ ອາຍແກ໊ສ, ບັນດາບໍລິສັດນໍ້າມັນເຊື້ອໄຟ ແລະ ປໍ້າຂາຍນໍ້າມັນເຊື້ອໄຟ ໃຫ້ປັບລາຄາຂາຍຍ່ອຍນໍ້າມັນເຊື້ອໄຟເຂດເທດສະບານແຂວງ, ນະຄອນຫຼວງ ເຊິ່ງຈະມີຜົນບັງຄັບໃຊ້ໃນຕອນເຊົ້າເລີ່ມແຕ່ເວລາ 6:00 ໂມງ ຂອງວັນທີ 24 ຕຸລາ 2018ນີ້.

ການປັບລາຄານໍ້າມັນເຊື້ອໄຟໃນຄັ້ງນີ້ໄດ້ປັບລາຄານໍ້າມັນເຊື້ອໄຟທຸກຊະນິດຄື: ນໍ້າມັນແອັດຊັງພິເສດ 230 ກີບ/ລິດ, ນໍ້າມັນແອັດຊັງທຳມະດາ 200 ກີບ/ລິດ ແລະ ນໍ້າມັນກາຊວນ 200 ກີບ/ລິດ.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂ່າວ: ກະຊວງອຸດສາຫະກຳ ແລະ ການຄ້າ