ໃນວັນທີ 17 ກັນຍາ 2014 ນີ້ ສຳນັກຂ່າວຕ່າງປະເທດ ເປີດເຜີຍພາບກອງເກືອປະມົງກ່ວາ 1,000 ລຳ ເຄື່ອນຂະບວນ
ຍາວ ມຸ່ງໜ້າອອກສູ່ນ່ານນ້ຳຕົງໄຫ່ ຫລື ທະເລຕາເວັນອອກ ໃນຕອນທ່ຽງຂອງວັນທີ 16 ກັນຍາ 2014 ເຊິ່ງເປັນເວລາ
ສິ້ນສຸດລະດູການຫ້າມຫາປາ ທີ່ເລີ່ມຕົ້ນມາແຕ່ວັນທີ 1 ພຶດສະພາ ເປັນຕົ້ນມາ ເປັນເວລາ 3 ເດືອນເຄິ່ງ.
ຂະບວນເຮືອປະມົງຈາກເມືອງຕ່າງໆ ໃນມົນທົນເຈີ້ຈຽງ, ຕັນຊັນ, ໜິງປົວ, ໄຖໂຈວ ແລະ ເມືອງອື່ນໆ ຕ່າງກໍພາກັນ
ເຄື່ອນຂະບວນອອກຈາກທ່າເຮືອປະມົງສື່ຜູ່ອີ໋ ເມືອງຊຽງຊານ ເມືອງໜິງປົວ ແຫ່ແຫນອອກສູ່ທ້ອງມະຫາສະໝຸດ
ອັນເປັນວິຖີຊີວິດທີ່ແສນຍິ່ງໃຫຍ່ອະລັງການ.
ທັງນີ້ ໃນແຕ່ລະປີ ຈີນໄດ້ກຳໜົດຊ່ວງເວລາຫ້າມຈັບສັດນ້ຳໃນທະເລ ເພື່ອປ້ອງກັນບໍ່ໃຫ້ໝູ່ສາຍພັນປາ, ປູ, ກຸ້ງ, ຫອຍ
ແລະ ອື່ນໆ ໄດ້ຂະຫຍາຍແຜ່ພັນຈະເລີນເຕີບໂຕ ເຊິ່ງນັບເປັນວິທີການອະນຸຮັກສັດທີ່ດີທີ່ສຸດ, ກົດຫ້າມເຮັດການປະມົງ
ຈັບສັດນ້ຳປະຈຳປີນີ້ ມີຜົນບັງຄັບໃຊ້ຄວບຄຸມເຂດທະເລເຫລືອງ, ທະເລປົ໋ວໄຫ່, ທະເລຕາເວັນອອກ ແລະ ທະເລຈີນໃຕ້.
