ວັນທີ 15 ຕຸລາ 2018 ຜ່ານນີ້, ທີ່ເຊີແນວ ກອງປະຊຸມການຄ້າ ແລະ ການພັດທະນາຂອງອົງການສະຫະປະຊາຊາດ ໄດ້ອອກບົດລາຍງານທ່າອ່ຽງການລົງທຶນໃນໂລກ ເຊິ່ງໄດ້ສະແດງໃຫ້ເຫັນວ່າໃນ 6 ເດືອນ ຕົ້ນປີ 2018 ມູນຄ່າການລົງທຶນໂດຍກົງຈາກຕ່າງປະເທດຢູ່ຈີນໄດ້ເພີ່ມຂຶ້ນ 6% ບັນລຸກວ່າ 70 ຕື້ໂດລາສະຫະລັດ ເຮັດໃຫ້ຈີນກາຍເປັນປະເທດທີ່ມີການລົງທຶນໂດຍກົງຈາກຕ່າງປະເທດຫຼາຍທີ່ສຸດໃນໂລກ.
ທ່ານ ເຈມສ໌ ຊັນ ຫົວໜ້າອົງການການລົງທຶນ ແລະ ວິສາຫະກິດຂອງກອງປະຊຸມດັ່ງກ່າວໄດ້ກ່າວວ່າ: “ຈີນໄດ້ອອກແຮງດຶງດູດການລົງທຶນເປີດຕະຫຼາດສູ່ພາຍນອກ ບໍ່ພຽງແຕ່ໃນເຂດທົດລອງການຄ້າເສລີ ທີ່ເຮັດໃຫ້ມູນຄ່າການລົງທຶນຂອງຕ່າງປະເທດເພີ່ມຂຶ້ນເທົ່ານັ້ນ ຍັງດຶງດູດການລົງທຶນຕ່າງປະເທດເຂົ້າສູ່ພາກຕາເວັນຕົກຂອງຈີນເພີ່ມຂຶ້ນຢ່າງບໍ່ຢຸດຢັ້ງ ເຊິ່ງເປັນເຫດຕົ້ນຕໍທີ່ຈີນກາຍເປັນປະເທດທີ່ມີການລົງທຶນຈາກຕ່າງປະເທດຫຼາຍທີ່ສຸດ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: ໜັງສືພິມວຽງຈັນໃໝ່
ຮູບພາບຈາກ: pixabay.com