ວັນທີ 18 ຕຸລາ 2018 ຫ້ອງການບັນຊາການປ້ອງກັນຄວາມສະຫງົບ (ປກສ) ນະຄອນຫຼວງວຽງຈັນ ອອກແຈ້ງການເຖິງພໍ່ແມ່ປະຊາຊົນ, ພະນັກງານທະຫານ-ຕຳຫຼວດ ຜູ້ເປັນເຈົ້າຂອງລົດຈັກ ທີ່ຖືກເຈົ້າໜ້າທີ່ ປກສ ກັກລົດ ຫຼື ລົດເສຍ ໃຫ້ມາພົວພັນເອົາຢູ່ ປກສ (ກອງພັນເຄື່ອນທີ່) ໂດຍເລີ່ມວັນທີ 22 ຕຸລາ ຫາ 22 ພະຈິກ 2018 ພຽງແຕ່ 30 ວັນເທົ່ານັ້ນ .
ແຈ້ງການລະບຸໄວ້ວ່າ: “ຫ້ອງການກອງບັນຊາການ ປກສ ນະຄອນຫຼວງວຽງຈັນ ຂໍແຈ້ງມາຍັງບັນດາພໍ່ແມ່ປະຊາຊົນ, ພະນັກງານທະຫານ-ຕຳຫຼວດ ມາພົວພັນເອົາລົດຈັກທີ່ລະເມີດກົດລະບຽບຈາລະຈອນ ທີ່ຖືກເຈົ້າໜ້າທີ່ກັກໄວ້ຢູ່ກອງພັນປ້ອງກັນເຄື່ອນທີ່ ນະຄອນຫຼວງວຽງຈັນ ຖ້າທ່ານໃດຫາກສົງໄສວ່າແມ່ນລົດຂອງຕົນເອງທີ່ເສຍ ຫຼື ຖືກຄົນຮ້າຍລັກໄປ ກໍໃຫ້ມາກວດກາເບິ່ງຕົວຈິງ ໂດຍຕ້ອງໄດ້ເອົາເອກະສານລົດມາເພື່ອຢັ້ງຢືນ, ນັບແຕ່ວັນທີ 22 ຕຸລາ ຫາ 22 ພະຈິກ 2018 (ກຳນົດ 30 ວັນ) ຖ້າວ່າບໍ່ມາພົວພັນເອົາຕາມກຳນົດເວລາ 30 ວັນ ແມ່ນສະຫຼະສິດ ແລະ ຈະຍຶດເປັນຂອງລັດຕາມລະບຽບການ.
ລົດດັ່ງກ່າວ, ທີ່ຢູ່ໃນການຄຸ້ມຄອງເຈົ້າໜ້າທີ່ ມີທັງໝົດ 70 ຄັນ ດັ່ງລາຍການລຸ່ມນີ້:
ຮຽບຣຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: ຫ້ອງການບັນຊາການ ປກສ ນະຄອນຫຼວງວຽງຈັນ