ສຳນັກຂ່າວບີບີຊີ ລາຍງານວັນທີ 16 ຕຸລາ 2018 ວ່າ: “ເກີດເຫດລະທຶກ ສາວແອ​ (Air Hostess) ສາຍການບິນ ແອ ອິນເດຍ (Air India)  ຕົກລົງຈາກເຮືອບິນໂດຍສານໂບອິ້ງ 777 ໃນເວລາທີ່ກຳລັງຈອດຢູ່ ເພື່ອກຽມຈະອອກເດີນທາງຈາກສະໜາມບິນນາໆຊາດມຸມໄບ ໄປຫາກຸງນິວເດລີ ປະເທດອິນເດຍ ໃນຕອນເຊົ້າວັນຈັນທີ 15 ຕຸລາ 2018 ຜ່ານມາ ເຮັດໃຫ້ສາວແອຄົນດັ່ງກ່າວ, ໄດ້ຮັບບາດເຈັບຫຼາຍບ່ອນ ແລະ ຂາຫັກ, ປັດຈຸບັນແມ່ນໄດ້ຮັກສາຕົວຢູ່ໂຮງໝໍ.

ຂ່າວໄດ້ລາຍງານວ່າ: ສາວແອຜູ້ຖືກເຄາະຮ້າຍ ຊື່ ອາຣ໌ຊາ ໂລໂບ ອາຍຸ 52 ປີ ເກີດອຸບັດຕິເຫດໃນເວລາທີ່ກຳລັງພະຍາຍາມປິດປະຕູເຮືອບິນ ໂດຍເປັນສາຍການແອ ອິນເດຍ (Air India) ເຊິ່ງເປັນສາຍການບິນປະຈຳຊາດຂອງປະເທດອິນເດຍ ແລະ ອອກຖະແຫຼງການວ່າ: “ທາງສາຍການບິນກຳລັງສືບສວນອຸປະຕິເຫດທີ່ເກີດຂຶ້ນໃນເຄື່ອງ ແລະ ເປັນເຫດການໂຊກບໍ່ດີອັນໜື່ງ ເຮັດໃຫ້ລູກເຮືອຂອງພວກເຮົາ ອາຣຊາ ໂລໂບ ໄດ້ຕົກຈາກເຮືອບີນໂບອິ້ງ 777 ໃນເວລາກຳລັງອັດປະຕູເຮືອບິນ”.

ບິບິຊີ ໄດ້ເຜີຍອີກວ່າ: “ພາຍຫຼັງສາວແອ ປະສົບກັບອຸບັດຕິເຫດ ມີທີມແພດມາທີ່ສະໜາມບິນມຸມໄບ ໄດ້ກວດອາການບາດເຈັບໃນເບື້ອງຕົ້ນກ່ອນຈະນຳສົ່ງໂຮງໝໍ; ທັງນີ້, ເຮື່ອບິນໂດຍສານ ແອ ອິນເດຍ (Air India) ທີ່ເກີດເຫດເປັນຖ້ຽວບິນ AI864, ຕາມກຳນົດເວລາປົກກະຕິ ຖ້ຽວບິນຈະອອກຈາກສະໜາມບິນມຸມໄບ ເວລາ 7:00 ໂມງ ແຕ່ເກີດອຸບັດຕິເຫດດັ່ງກ່າວ, ເຮັດໃຫ້ຕ້ອງເລື່ອນເວລາອອກໄປເປັນ 8:00 ໂມງ.

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: .thairath.co.th