ການດື່ມນ້ຳເປັນເລື່ອງທີ່ສຳຄັນຫລາຍ ແຕ່ການດື່ມນ້ຳມື້ລະຫລາຍຈອກນັ້ນເປັນເລື່ອງທີ່ຍາກຫລາຍສຳລັບບາງຄົນທີ່ບໍ່ມັກກິນນ້ຳ ມື້ນີ້ເຮົາເລື່ຍມີວິທີເຮັດໃຫ້ທ່ານດື່ມນ້ຳໄດ້ຫລາຍຂື້້ນມາບອກກັນ
1. ພະຍາຍາມດື່ມນ້ຳທຸກເຊົ້າຫລັງຕື່ນນອນທຸກໆມື້ ເພາະການດື່ມນ້ຳຕອນເຊົ້າ ຈະຊ່ວຍກະຕຸ້ນໃຫ້ທ່ານຮູ້ສຶກຢາກດື່ມນ້ຳຫລາຍຂື້ນຕະຫລອດ ແລະ ຍັງຊ່ວຍເລື່ອງການຂັບຖ່າຍນຳອີກ
2. ຖ້າທ່ານຮູ້ສຶກບໍ່ມັກ ລົດຊາດທີ່ຈືດຂອງນ້ຳດື່ມ ຂໍແນະນຳໃຫ້ທ່ານເອົາ ໝາກນາວມາບີບລົງໄປໃນນ້ຳດື່ມຈັກໜ້ອຍນ້ອຍກ່ອນດື່ມ ເພື່ອຊ່ວຍເພີ່ມລົດຊາດໃຫ້ກັບນ້ຳດື່ມ
3. ໝັ່ນກວດເບິ່ງ ປັດສະວະ (ຫລື ຍ່ຽວ) ຂອງທ່ານຫລັງເຂົ້າຫ້ອງນ້ຳ ເພື່ອໃຫ້ໝັ່ນໃຈວ່າມັນຍັງໃສຢູ່ສະ ເໝີ ເພາະຄວາມໃສນັ້ນ ຄືກັບໂຕວັດວ່າຮ່າງກາຍຂອງທ່ານໄດ້ຮັບນ້ຳຢ່າງພຽງພໍ ແຕ່ເມື່ອໃດກໍຕາມທີ່ເບິ່ງ ປັດສະວະ (ຫລື ຍ່ຽວ) ຂອງທ່ານມີສີເຫລືອງເຂັ້ມ ນັ້ນໝາຍຄວາມວ່າຮ່າງກາຍຂອງທ່ານ ກຳລັງຢູ່ໃນພາວະຂາດນ້ຳ
4.ເລີ່ມປະຕິບັດຈາກຂັ້ນຕອນງ່າຍໆ ຢ່າຄາດຫວັງວ່າທ່ານຈະສາມາດປ່ຽນພຶດຕິກຳການດື່ມນ້ຳໄດ້ ຈາກໜ້າມືເປັນຫລັງມື ຄືຈາກຄົົນທີ່ບໍ່ດື່ມນ້ຳເລີຍມາດື່ມນ້ຳມື້ລະ 8ຈອກ ແຕ່ທ່ານຄວນເລີ່ມຈາກການດື່ມນ້ຳ 1ຈອກ ໃນຕອນເຊົ້າ ແລະ ກອ່ນນອນອີກ 1ຈອກໃຫ້ເປັນນິໄສ ຈາກນັ້ນຄ່ອຍໆເພີ່ມປະລິມານການດື່ມນ້ຳລະຫວ່າງມື້ໃຫ້ຫລາຍຂຶ້ນ
5. ຫາຕຸກນ້ຳດື່ມທີ່ມີນ້ຳເຕັມຕຸກ ມາວາງໄວ້ຂ້າງຕົວເຈົ້າຕະຫລອດ ເວລາທີ່ທ່ານກຳລັງເຮັດວຽກ ເພາະມັນຈະເຮັດໃຫ້ທ່ານສະດວກຕໍ່ການຈັບຂຶ້ນມາດື່ມໄປເລື່ອຍໆ ຂະນະເຮັດວຽກໂດຍບໍ່ຮູ້ຕົວ ໂດຍສະເພາະເວລາທີ່ທ່ານຕ້ອງສຸມຫົວຄິດວຽກງານກັບເພື່ອນຮ່ວມງານກໍ່ຕາມ
ເຫັນບໍ່ວ່າ ການດື່ມນ້ຳບໍ່ຢາກຢ່າງທີ່ທ່ານຄິດ ແລະ ນ້ຳມີປະໂຫຍດຫລາຍໆ ໃນຊີວິດປະຈຳວັນ ຢ່າເດີ້ທ່ານຜູ້ຊົມ ຫັນມາໃສ່ໃຈສຸຂະພາບກ່ອນທີ່ຈະສາຍເກີນແກ້ ພຽງແຕ່ພະຍາຍາມດື່ມນ້ຳໃຫ້ໄດ້ມື້ລະ 8 ຈອກເທົ່ານັ້ນເອງ