ອີງຕາມບົດລາຍງານສະພາບອາກາດຈາກກົມອຸຕຸນິຍົມ ເລກທີ 1079/ກອຄທ ລົງວັນທີ 01 ຕຸລາ 2018 ລາຍງານວ່າ: ໃນຕົ້ນອາທິດ ເລີ່ມແຕ່ວັນທີ 1-3 ຕຸລາ 2018 ຄວາມກົດດັນອາກາດສູງຢູ່ທີ່ປະເທດຈີນ ຈະແຜ່ລົງມາປົກຄຸມຢູ່ແຂວງພາກເໜືອ ແລະ ພາກກາງ ຂອງປະເທດລາວດ້ວຍກຳລັງອ່ອນ-ປານກາງ, ພາກເໜືອ ອາກາດຈະເຢັນໃນຕອນກາງຄືນ ຫາ ຕອນເຊົ້າ ແລະ ມີຝົນຕົກ, ຟ້າຮ້ອງ, ຟ້າເຫຼື້ອມ ພ້ອມລົມພັດແຮງຢູ່ບາງທ້ອງຖີ່ນ.
ສ່ວນວັນທີ 4-7 ຕຸລາ 2018 ຄວາມກົດດັນອາກາດສູງຍັງສືບຕໍ່ ແລະ ຈະມີກຳລັງແຮງເພີ່ມຂື້ນ ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ, ຈະເຮັດໃຫ້ອາກາດເຢັນລົງພ້ອມທັງມີໝອກປົກຫຸ້ມໃນຕອນກາງຄືນ ຫາ ຕອນເຊົ້າ ຢູ່ທົ່ວໄປໃນແຕ່ລະພາກ. ເຂດແຂວງພາກເໜືອດ້ານຕາເວັນອອກເຊັ່ນ: ເຂດໄຊສົມບູນ, ເມືອງນາກາຍ, ຫຼັກ 20, ເຂດພູພຽງບໍລະເວນ ອາກາດຈະໜາວເຢັນ ມີໝອກໜາປົກຄຸມ ໃນຕອນກາງຄືນ-ຕອນເຊົ້າ.
ທ່ານສາມາດອ່ານຂໍ້ມູນສະພາບອາກາດ ແລະ ສະພາບລະດັບນໍ້າຢ່າງລະອຽດຂອງອາທິດທີ່ຜ່ານມາ ແລະ ການຄາດຄະເນສະພາບອາກາດ ແລະ ລະດັບນໍ້າຂອງອາທິດນີ້ໄດ້ຕາມບົດລາຍງານລຸ່ມນີ້:
ຮຽບຮຽງໂດຍ: ບຸນມີ ຄໍາມີໄຊ
ແຫຼ່ງຂໍ້ມູນ: ກົມອຸຕຸນິຍົມ ແລະ ອຸທົກກະສາດ