spot_img
Homeຂ່າວການສຶກສາວິທະຍາໄລ ສອນພິທັກລາວ ສັນສ້າງບຸກຄະລາກອນ 100 ກວ່າຄົນ ອອກຮັບໃຊ້ສັງຄົມ

ວິທະຍາໄລ ສອນພິທັກລາວ ສັນສ້າງບຸກຄະລາກອນ 100 ກວ່າຄົນ ອອກຮັບໃຊ້ສັງຄົມ

Published on

ສຳເລັດການສຶກສາປະຈຳປີຢ່າງເປັນທາງການອີກຄັ້ງ ສຳລັບນັກສຶກສາຈາກ ວິທະຍາໄລ ສອນພິທັກລາວ ຮຸ້ນທີ 3. ໃນວັນທີ 29 ກັນຍາ 2018 ທີ່ຜ່ານມາ ທາງວິທະຍາໄລໄດ້ມີການຈັດພິທີມອບ-ຮັບໃບປະກາສະນີຍະບັດວິຊາຊີບຊັ້ນສູງ (ປວສ) ໃຫ້ແກ່ນັກສຶກສາສົກຮຽນ 2017-2018 ສ້າງບຸກຄະລາກອນອອກຮັບໃຊ້ສັງຄົມຈຳນວນ 131 ຄົນ ພ້ອມດຽວກັນທາງວິທະຍາໄລຖືໂອກາດເປີດສົກຮຽນໃໝ່ 2018-2019 ຂື້ນ, ເປັນກຽດເຂົ້າຮ່ວມໂດຍ ທ່ານ ສົມລິດ ວິລິວົງ ຮອງຫົວໜ້າກົມອາຊີວະສຶກສາ, ທ່ານ ນາງ ປາດຖະໜາ ຄຳສິງ ຫົວໜ້າຫ້ອງການສະພາທີ່ປຶກສາການສຶກສາພາກເອກະຊົນ ແລະ ພາກສ່ວນທີ່ກ່ຽວຂ້ອງ.

ໂອກາດດຽວກັນ, ທ່ານ ປະນົມສອນ ຫຼວງສຸວັນນະວົງ ຜູ້ອຳນວຍການວິທະຍາໄລ ສອນພິທັກລາວ ໄດ້ຂື້ນ​​ຜ່ານ​ບົດ​ສະຫລຸບການຈັດ​ຕັ້ງ​ປະຕິບັດວຽກງານ ​ຜົນສຳເລັດການກໍ່ສ້າງບຸກຄະລາກອນໃນສົກຮຽນ 2017-2018 ແລະ ວາງທິດທາງແຜນການຮຽນ-ການສອນໃນສົກປີ 2018–2019 ຕໍ່ໜ້າ, ພ້ອມທັງເປັນກຽດຂື້ນມອບໃບຍ້ອງຍໍແກ່ຄູ-ອາຈານ, ມອບໃບຍ້ອງຍໍ ແລະ ໃບປະກາສະນີຍະບັດໃຫ້ແກ່ນັກສຶກສາພາກວິຊາການພັດທະນາໂປຣແກຣມເມີ 52 ຄົນ, ພາກວິຊາພາສາອັງກິດທຸລະກິດ 69 ຄົນ ແລະ ພາກວິຊາການເງີນ-ການກວດສອບບັນຊີ 10 ຄົນ. ​

ໃນພິທິດັ່ງກ່າວ, ທ່ານສົມລິດ ວິລິວົງ ໄດ້ສະແດງຄວາມຍ້ອງຍໍຊົມເຊີຍຕໍ່ ວິທະຍາໄລ ສອນພິທັກລາວ, ຄູ-ອາຈານ ແລະ ນ້ອງນັກຮຽນທັງໝົດ ທີ່ໄດ້ປະກອບສ່ວນເຂົ້າໃນການສ້າງສາພັດທະນາຊັບພະຍາກອນມະນຸດທີ່ໄດ້ມາຕະຖານອອກຮັບໃຊ້ສັງຄົມ ແລະ ເປັນບາດກ້າວທີ່ດີໃນການພັດທະນາປະເທດຊາດໃຫ້ດີຂື້ນ.

ວິທະຍາໄລ ສອນພິທັກລາວ ເປັນສູນກາງການສຶກສາພາກເອກະຊົນທີ່ໄດ້ຮັບອະນຸຍາດໃນການນຳໃຊ້ລະບົບການຮຽນ-ການສອນ ລະດັບວິຊາຊີບຊັ້ນສູງຈາກກະຊວງສຶກສາທິການ ແລະ ກິລາ, ປະກອບມີ 3 ສາຂາ ວິຊາຮຽນຄື: ການພັດທະນາໂປຣແກຣມເມີ, ພາສາອັງກິດທຸລະກິດ ແລະ ການເງີນ-ການກວດສອບບັນຊີ. ພາຍໃນວິທະຍາໄລປະກອບມີຄູອາຈານທັງໝົດ 28 ທ່ານ, ນັກສືກສາຈຳນວນ 603 ຄົນ ໃນນັ້ນເປັນຍິງ 244 ຄົນ.

ຂໍ້ມູນເພີ່ມເຕີມສາມາດຕິດຕໍ່ໄດ້ທີ່ Facebook page: Sonephithak Laos College

ໂທ:  021 316 111/ 98808899

ຮຽບຮຽງໂດຍ: ບຸນມີ ຄຳມີໄຊ

ແຫຼ່ງຂໍ້ມູນ ແລະ ຮູບພາບ: ວິທະຍາໄລ ສອນພິທັກ ລາວ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...