ຮີນລາຣີ ຄລີນຕັນ ອະດີດລັດຖະມົນຕີການຕ່າງປະເທດສະຫະລັດອາເມຣິກາ ກຳລັງທົບທວນທີ່ຈະລົງສະໝັກຊິງ
ຕຳແໜ່ງປະທານາທິບໍດີທຳນຽບຂາວອີກເທ່ື່ອໜຶ່ງໃນສະໄໜໜ້ານີ້.
ສຳນັກຂ່າວຕ່າງປະເທດລາຍງານ ໃນວັນທີ 16 ກັນຍາ 2014 ຜ່ານມານີ້ວ່າ ທ່ານນາງ ຮີນລາຣີ ຄລີນຕັນ ອະດີດລັດ
ຖະມົນຕີການຕ່າງປະເທດສະຫະລັດອາເມຣິກາ ໄດ້ເດີນທາງກັບໄປທີ່ລັດໄອໂອວາອີກເທື່ອໜຶ່ງ ນັບຕັ້ງແຕ່ທີ່ເຄີຍ
ລົງສະໝັກເລືອກຕັ້ງ ເພື່ອເປັນຕົວແທນຂອງພັກເດໂມແຄຣັດ ເພື່ອຊິງຕຳແໜ່ງປະທານາທິບໍດີ ເມື່ອປີ 2008
ທ່າມກາງການຄາດເດົາວ່າ ນາງຈະລົງສະໝັກຊິງຕຳແໜ່ງອີກເທື່ອໜຶ່ງ ຫລື ບໍ່.
ທັງນີ້ ທ່ານນາງ ຄລີນຕັນ ເຊິ່ງໄດ້ໄປຮ່ວມປຸກລະດົມຫາເງິນທຶນໃຫ້ກັບ ທ່ານ ທອມ ຮາກຶນ ວຸດທິສະມາຊິກຈາກພັກ
ເດໂມແຄຣັດ ໄດ້ກ່າວວ່າ ເປັນເລື່ອງຈິງທີ່ຕົນເອງກຳລັງຄິດທີ່ຈະລົງສະໝັກຊິງຕຳແໜ່ງປະທານາທິບໍດີສະຫະລັດ
ອີກເທື່ອໜ່ຶງ.
ຢ່າງໃດກໍຕາມ ທ່ານນາງຄລີນຕັນ ໄດ້ບອກວ່າ ການລົງຂົນຂວາຍຫາສຽງສຳລັບການເລືອກຕັ້ງປະທານາທິບໍດີນັ້ນ
4 ປີ ຈິ່ງຈະມີຂຶ້ນເທື່ອໜຶ່ງ ແລະ ບໍ່ຄືກັນກັບການເລືອກຕັ້ງກາງສະໄໝທີ່ຈັດຂຶ້ນ 2 ປີຕໍ່ເທື່ອໜຶ່ງ ເພື່ອເລືອກຕັ້ງສະ
ມາຊິກຂອງສະພາຄອງເກຣດ ຫລື ສະພາຜູ້ແທນຂອງສະຫະລັດ.
