ສຳນັກຂ່າວຕ່າງປະເທດລາຍງານຈາກນະຄອນຫຼວງຮ່າໂນຍ ປະເທດຫວຽດນາມ ເມື່ອວັນທີ 21 ກັນຍາ 2018 ວ່າ ປະທານປະເທດດີເຈິ່ນດ້າຍ ກວາງ ປະທານາທິບໍດີແຫ່ງຫວຽດນາມໄດ້ເຖິງແກ່ມໍລະນະກຳແລ້ວທີ່ໂຮງໝໍທະຫານ 108 ໃນນະຄອນຫຼວງຮ່າໂນຍ ໃນຕອນເຊົ້າມື້ນີ້ເວລາ 10:01 ດ້ວຍໄວອາຍຸ 61 ປີ ຫຼັງຈາກປ່ວຍໜັກໃນຊ່ວງໄລຍະຫຼາຍເດືອນທີ່ຜ່ານມາ ແລະ ໄດ້ເຂົ້າຮັກສາຕົວທັງໂຮງໝໍໃນຫວຽດນາມ ແລະ ໂຮງໝໍໃນຕ່າງປະເທດ.
ປະທານປະເທດ ເຈິ່ນດ້າຍ ກວາງ ເປັນປະທານປະເທດຄົນປັດຈຸບັນຂອງຫວຽດນາມ ໂດຍໄດ້ຮັບເລືອກໃຫ້ດຳລົງຕຳແໜ່ງປະທານປະເທດຫວຽດນາມ ເມື່ອວັນທີ 2 ເມສາ 2016 ແລະ ກ່ອນໜ້ານີ້ເຄີຍດຳລົງຕຳແໜ່ງອະດີດລັດຖະມົນຕີກະຊວງຄວາມໝັ້ນຄົງສາທາລະນະຂອງຫວຽດນາມ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂ່າວ: thairath.co.th, dailynews.co.th