spot_img
Homeຂ່າວທ້ອງຖິ່ນສັງທອງ ຈະຍົກສະມັດຕະພາບການຜະລິດເຂົ້າໃຫ້ບັນລຸ 5 ໂຕນຕໍ່ເຮັກຕາ

ສັງທອງ ຈະຍົກສະມັດຕະພາບການຜະລິດເຂົ້າໃຫ້ບັນລຸ 5 ໂຕນຕໍ່ເຮັກຕາ

Published on

 

ຫ້ອງການກະສິກຳເມືອງສັງທອງໃຫ້ຮູ້ວ່າ: ສັງທອງມີແຜນຈະຍົກສູງສະມັດຖະພາບການຜະລິດເຂົ້ານາປີ-ນາແຊງ,

ດ້ວຍພັນເຂົ້າພື້ນເມືອງ ແລະ ພັນເຂົ້າປັບປຸງທີ່ມີຄຸນນະພາບຈາກ 4,7 ໂຕນ/ເຮັກຕາ ຂຶ້ນເປັນ 5,01 /ເຮັກຕາ, ໃນປີ

2015- 2020, ເພື່ອຮັບປະກັນໃຫ້ມີເຂົ້າກຸ້ມກິນຕະຫຼອດປີ ແລະ ຈຳໜ່າຍເປັນສິນຄ້າສ້າງລາຍຮັບໃຫ້ປະຊາຊົນ, ພ້ອມ

ທັງຊຸກຍູ້ສົ່ງເສີມໃຫ້ປະຊາຊົນປູກພືດເປັນສິນຄ້າ, ປັບປຸງການລ້ຽງສັດແບບທຳມະຊາດ, ຕາມແນວທາງນະໂຍບາຍ

ຂອງລັດຖະບານ, ພ້ອມນັ້ນ ກໍຕ້ອງຊຸກຍູ້ສົ່ງເສີມຂະຫຍາຍກອງທືນຂັ້ນບ້ານດ້ວຍຫຼາຍຮູບການ, ອາດຈະເປັນທຶນທີ່

ປະຊາຊົນສ້າງຂຶ້ນເອງ, ການປະກອບສ່ວນຂອງລັດ ແລະ ການລະດົມທຶນຈາກອົງການຈັດຕັ້ງອື່ນໆ, ໃນເບື້ອງຕົ້ນໃຫ້

ບັນລຸຄາດໝາຍສູ້ຊົນ 18 ບ້ານຂຶ້ນເປັນ 25 ບ້ານເປັນຢ່າງໜ້ອຍ.

 

ແຕ່ເພື່ອໃຫ້ການຈັດຕັ້ງປະຕິບັດສຳເລັດຕາມແຜນການ, ຄະນະອຳນາດການປົກຄອງທຸກຂັ້ນຕ້ອງເອົາໃຈໃສ່ຄົ້ນ

ຄວ້າເຊືອມຊຶມ, ກຳແໜ້ນບັນດາມະຕິຄຳສັ່ງ, ຄາດໝາຍໃນການພັດທະນາ ແລະ ຄາດໝາຍສູ້ຊົນຕ່າງໆ ເພື່ອນຳໄປ

ເຜີຍແຜ່ໃຫ້ປະຊາຊົນໄດ້ຮັບຮູ້, ເຂົ້າໃຈເລິກເຊິ່ງທົ່ວເຖິງ ແລະ ມີຄວາມເປັນເອກະພາບໃນການຈັດຕັ້ງປະຕິບັດຕາມ

ແຜນງານ, ແຜນການ, ພ້ອມນັ້ນພາກສ່ວນກ່ຽວຂ້ອງກໍຈະຕ້ອງສືບຕໍ່ສົງພະນັກງານວິຊາການລົງຮາກຖານເພື່ອຕິດ

ຕາມໃກ້ຊິດຕິດແທດກັບປະຊາຊົນ,ນຳພາປະຊາຊົນສ້າງແຜນການຮ່ວມກັບຄອບຄົວ ແລະ ກຸ່ມບ້ານໃຫ້ແທດເໝາະ

ກັບທ່າແຮງຄວາມເປັນຈິງຂອງເຂົາເຈົ້າ, ໃນການແກ້ໄຂຊີວິດການເປັນຢູ່ຂອງປະຊາຊົນ ໃຫ້ນັບມື້ດີຂຶ້ນຢ່າງຕໍ່ເນື່ອງ,

ກ້າວໄປສູ່ການພັດທະນາ, ພ້ອມທັງຍາດແຍ່ງທຶນຮອນຈາກລັດ, ເອກະຊົນ, ນັກທຸລະກິດ, ອົງການຈັດຕັ້ງສາກົນຕ່າງໆ,

ເພື່ອປຸກລະດົມແຫຼ່ງທຶນ ໃສ່ການພັດທະນາທຸກພາກສ່ວນເສດຖະກິດ-ສັງຄົມ, ສຳລັບການຈັດຕັ້ງປະຕິບັດກໍຕ້ອງມີ

ການມອບໝາຍຄວາມຮັບຜິດຊອບໃຫ້ອຳນາດການປົກຄອງແຕ່ລະຂັ້ນ, ມີການກຳນົດເວລາ, ກຳນົດເປົ້າໝາຍງົບ

ປະມານ ແລະ ການກວດກາປະເມີນຜົນຈັດຕັ້ງປະຕິບັດຢ່າງລະອຽດ, ພ້ອມທັງສະຫຼຸບຖອດຖອນບົດຮຽນເພື່ອສ່ອງ

ແສງ, ປັບປຸງແກ້ໄຂຂໍ້ຄົງຄ້າງ, ພ້ອມນັ້ນກໍຕ້ອງສູ້ຊົນເຮັດໃຫ້ເມືອງມີສະຖຽນລະພາບທ້າງດ້ານການເມືອງມີຄວາມ

ສະຫງົບ, ມີຄວາມເປັນລະບຽບຮຽບຮ້ອຍທາງສັງຄົມໂດຍພື້ນຖານ, ເພື່ອສ້າງເງື່ອນໄຂສະດວກໃຫ້ແກ່ການພັດທະນາ

ເສດຖະກິດ-ສັງຄົມ, ຖືເອົາກະສິກຳເປັນກົກເຄົ້າ, ຊຶ່ງທັງໝົດແມ່ນນັ້ນແຜນພັດທະນາເສດຖະກິດ-ສັງຄົມແຕ່ປີ 2015

-2020 ຂອງເມືອງສັງທອງ, ກໍຄືການພັດທະນາດ້ານກະສິກຳ ແລະ ຍົກສູງສະມັດຖະ ພາບການຜະລິດເຂົ້າ ແລະ ປູກ

ພື້ນໃຫ້ບັນລຸຕາມຄາດໝາຍທີ່ວາງໄວ້ຕໍ່ໜ້າ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຊີ້ແຈງຂໍ້ຂ້ອງໃຈຂອງສັງຄົມຕໍ່ການຕັດຕົ້ນໄມ້ຢູ່ຖະໜົນເສດຖາທິຣາດ

ຊີ້ແຈງແລ້ວ ຈາກກໍລະນີທີ່ເຈົ້າໜ້າທີ່ໄດ້ມີການຕັດຕົ້ນໄມ້ ຢູ່ຖະໜົນເສດຖາທິຣາດ ເນື່ອງຈາກມີການກໍ່ສ້າງ ແລະ ຂະຫຍາຍໜ້າທາງ ລວມທັງຮ່ອງລະບາຍນໍ້າຢູ່ຖະໜົນເສດຖາທິຣາດເພື່ອພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ ການສັນຈອນໄປມາມີຄວາມສະດວກສະບາຍ ຕິດພັນກັບໂຄງ ການພັດທະນາດັ່ງກ່າວ, ທາງໂຄງການຈຶ່ງໄດ້ມີການສຶກສາສຳຫຼວດຕໍ່ຜົນກະທົບຂອງຕົ້ນໄມ້ທີ່ຢູ່ລຽບເສັ້ນທາງຖະໜົນເສດຖາທິຣາດໄປພ້ອມໆກັນ ຊຶ່ງລ້ວນແຕ່ເປັນຕົ້ນໄມ້ທີ່ສູງໃຫຍ່ມີອາຍຸ 100 ປີ. ດັ່ງນັ້ນ,...

2 ຝ່າຍກຽມຢຸດຍິງພ້ອມກັນ ໂດນັລ ທຣຳ ປະກາດ ເຖິງຄວາມຂັດແຍ່ງລະຫວ່າງ ອິດສະຣາແອນ ກັບ ອີຣານ

2 ຝ່າຍກຽມຢຸດຍິງພ້ອມກັນ ໂດນັລ ທຣຳ ປະກາດ ເຖິງຄວາມຂັດແຍ່ງລະຫວ່າງ ອິດສະຣາແອນ ກັບ ອີຣານ ທົ່ວໂລກຍັງຈັບຕາຄວາມຂັດແຍ່ງລະຫວ່າງ ອິດສະຣາແອນ (Israel) ກັບ ອີຣານ (Iran)...

ທ່ານ ງາມປະສົງ ເມືອງມະນີ ລັດຖະມົນຕີກະຊວງ (ຍທຂ) ຊີ້ແຈງສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນ

ສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນທີ່ຍັງບໍ່ທັນສໍາເລັດ 16 ໜ້າວຽກ ໃນວາລະການດຳເນີນກອງປະຊຸມໃນກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ທ່ານ ງາມປະສົງ ເມືອງມະນີ ລັດຖະມົນຕີກະຊວງໂຍທາທິການ ແລະ ຂົນສົ່ງ...

ແຕ່ງຕັ້ງ ທ່ານ ພອນວິໄລ ແກ້ວບຸນສານ ເປັນຮັກສາການຫົວໜ້າຄະນະຄຸ້ມຄອງດ່ານສາກົນແດນສະຫວັນ.

ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ ວັນທີ 10 ມີຖຸປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນນາ 2025 ຜ່ານມາ, ດ່ານສາກົນແດນສະຫວັນ ແຂວງສະຫວັນນະເຂດ ໄດ້ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ,...