ຈາກການພະຍາກອນເສັ້ນທາງຂອງພາຍຸໄຕ້ຝຸ້ນມັງຄຸດ ຕາມເວັບໄຊ້ google.org/crisismap/google.com/2018-mangkhut ສະແດງໃຫ້ເຫັນວ່າ ລາວເຮົາອາດບໍ່ໄດ້ຮັບຜົນກະທົບຮ້າຍແຮງຈາກພາຍຸໄຕ້ຝຸ່ນມັງຄຸດ ຄືດັ່ງທີ່ໄດ້ຄາດການໄວ້ໃນເບື້ອງຕົ້ນ ເນື່ອງຈາກວ່າ ພາຍຸດັ່ງກ່າວໄດ້ມີການປ່ຽນທິດທາງ ແລະ ບໍ່ໄດ້ເຂົ້າມາລາວເຮົາໂດຍກົງ. ແຕ່ກໍຍັງຄົງມີບາງຂົງເຂດ ໂດຍສະເພາະແມ່ນບັນດາແຂວງພາກເໜືອທີ່ມີຊາຍແດນຕິດກັບຈີນ ທີ່ອາດຈະໄດ້ຮັບຜົນກະທົບຈາກພາຍຸດັ່ງກ່າວ. ເຖິງຢ່າງໃດກໍຕາມ, ຊາວບ້ານ ແລະ ນັກທ່ອງທ່ຽວ ທີ່ຈະເດີນທາງໄປຍັງພາກເໜືອ ແລະ ພາກກາງຂອງລາວກໍຄວນຢູ່ໃນຄວາມລະມັດລະວັງ ໃນເລື່ອງຂອງຝົນຕົກໜັກໃນຊ່ວງວັນຈັນ ແລະ ວັນອັງຄານນີ້ ໂດຍໃຫ້ເຝົ້າລະວັງ ແລະ ຕິດຕາມເບິ່ງການແຈ້ງການຈາກກົມອຸຕຸນິຍົມ ແລະ ອຸທົກກະສາດລາວ.
ແຫຼ່ງຂ່າວ: Laotiantimes