spot_img
Homeຂ່າວທ້ອງຖິ່ນຕັດສິນຄະດີສໍ້ໂກງຊັບ ລວມມູນຄ່າກວ່າ 700 ລ້ານກີບ!

ຕັດສິນຄະດີສໍ້ໂກງຊັບ ລວມມູນຄ່າກວ່າ 700 ລ້ານກີບ!

Published on

ໃນວັນທີ 5 ກັນຍາ 2018 ສານປະຊາຊົນຂັ້ນຕົ້ນ ນະຄອນຫຼວງວຽຈັນ ໄດ້ພິຈາລະນາຕັດສິນຄະດີສໍ້ໂກງຊັບຂອງພົນລະເມືອງອັນເນື່ອງມາຈາກການຕົວະຂາຍບັດເຕີມມູນຄ່າໂທລະສັບ ຂອງພະນັກງານສັນຍາຈ້າງບໍລິສັດສື່ສານທາງດ້ານໂທລະຄົມມະນາຄົມແຫ່ງໜຶ່ງ ເຊິ່ງຕັ້ງຢູ່ເຂດບ້ານນາໄຊ, ເມືອງ ໄຊເສດຖາ, ນະຄອນຫລວງວຽງຈັນ.

ຈຳເລີຍຊື່ ທ້າວ ບຸນທອນ ອາຍຸ 26 ປີ, ຢູ່ບ້ານ ຫຸມແບ່ງ ເມືອງ ນາຊາຍທອງ ນະຄອນຫຼວງວຽງຈັນ, ເຮັດໜ້າທີ່ຮັບຜິດຊອບສົ່ງບິນ ແລະ ເກັບເງິນຄ່າໂທລະສັບລາຍເດືອນ ປະຈຳການຢູ່ສາຂາຍ່ອຍ ຕັ້ງຢູ່ບ້ານ ຈອມມະນີ, ເມືອງ ໄຊເສດຖາ, ນະຄອນຫລວງວຽງຈັນ. ໃນໄລຍະຕໍ່ມາ, ຈໍາເລີຍໄດ້ຖືກແນະນໍາໂດຍທ້າວ ພູວົງ ພະນັກງານຈາກສຳນັກງານໃຫຍ່ ໃນການເປັນຕົວແທນຊອກຫາ-ຕິດຕໍ່ລູກຄ້າ ຊື້ບັດເຕີມເງິນ ໂດຍຈໍາເລີຍຈະໄດ້ຮັບຄ່ານາຍໜ້າ 6.5% ຂອງມູນຄ່າທີ່ຂາຍໄດ້. ຈຳເລີຍໃຊ້ວິທີການຊື້-ຂາຍບັດເຕີມເງິນໃຫ້ບັນດາຄົນຮູ້ຈັກ ແລະ ຕົວະຍົວະ ທ້າວ ພູວົງ ແລະ ບັນດາຜູ້ທີ່ຊື້ບັດກັບລາວ, ຈໍາເລີຍໄດ້ນຳເງິນເອົາດັ່ງກ່າວໄປໃຊ້ຈ່າຍສ່ວນຕົວ ແລ້ວບໍ່ນຳເງິນມາຊໍາລະຄືນໃຫ້ແກ່ບັນດາຜູ້ເສຍຫາຍ.

ຕົກມາວັນທີ 07 ກັນຍາ 2018 ຈຳເລີຍໄດ້ຖືກເຈົ້າຫນ້າທີ່ກັກຕົວໄປດຳເນີນຄະດີ. ຄະນະສານອາຍາໄດ້ຄົ້ນຄ້ວາຂໍ້ມູນຫຼັກຖານ ແລະ ເອກະສານຕ່າງໆ ປະກອບເຂົ້າໃນສຳນວນຄະດີຢ່າງຖີ່ຖ້ວນ, ຮອບດ້ານ ແລະ ພາວະວິໄສ ແລ້ວເຫັນວ່າ: ມີຫຼັກຖານຮັດກຸມທີ່ໜັກແໜ້ນ ແລະ ພຽງພໍຢັ້ງຢືນວ່າ: ການກະທຳຂອງຈຳເລີຍ ເປັນການກະທຳທີ່ຜິດຕໍ່ກົດໝາຍອາຍາ ໃນຂໍ້ຫາສໍ້ໂກງຊັບຂອງພົນລະເມືອງ ທີ່ແຕະຕ້ອງເຖິງກຳມະສິດສ່ວນຕົວຂອງບຸກຄົນອື່ນຕາມທີ່ໄດ້ກຳນົດໄວ້ ໃນກົດໝາຍອາຍາ ມາດຕາ 120 ຢ່າງແທ້ຈິງ.

ມູນຄ່າທີ່ຈຳເລີຍສໍ້ໂກງປະກອບມີ:

  • ທ້າວ ບົງ ອາຍຸ 31 ປີ, ຢູ່ບ້ານ ນາຄວາຍໃຕ້, ເມືອງ ໄຊເສດຖາ ຈຳນວນ 229.500.000 ກີບ.
  • ທ້າວ ເຫີບ ອາຍຸ 32 ປີ, ຢູ່ບ້ານ ດ່ານດຳ, ເມືອງ ສີໂຄດຕະບອງ ຈຳນວນ 335.000.000 ກີບ.
  • ທ້າວ ວິລະສັກ ອາຍຸ 36 ປີ, ຢູ່ບ້ານ ຈອມມະນີ, ເມືອງໄຊເສດຖາ ຈຳນວນ 35.000.000 ກີບ.
  • ທ້າວ ພູວົງ ຈຳນວນ 44.117.000 ກີບ.
  • ນາງ ມະນີລັດ ຫຼື ນ່ອງ ອາຍຸ 34 ປີ, ຢູ່ບ້ານສີສະຫວາດ, ເມືອງ ຈັນທະບູລີ ຈຳນວນ 120.000.000 ກີບ.

ທັງໝົດລວມມູນຄ່າ 763.617.000 ກີບ, ຄະນະສານເຫັນວ່າມີມູນຄວາມຈິງ ຈື່ງຕົກລົງຕັດອິດສະຫຼະພາບ ທ້າວ ບຸນທອນ (ຈຳເລີຍ) ເປັນເວລາ 3 ປີ 6 ເດືອນ ປັບໃຫມ 7.000.000 ກີບ ແລະ ໃຫ້ຈຳເລີຍໃຊ້ຄ່າແທນເສຍຫາຍໃຫ້ກັບໂຈດທາງແພ່ງທີ່ໄດ້ຮຽກຮ້ອງມາຄົບຕາມຈຳນວນທີ່ສໍ້ໂກງມາ.

ຮຽບຮຽງໂດຍ: ບຸນມີ ຄຳມີໄຊ

ແຫລ່ງຂ່າວ ແລະ ຮູບພາບ: ຫນັງສືພິມຄວາມສະຫງົບ

ບົດຄວາມຫຼ້າສຸດ

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...

ກົມອຸຕຸອອກແຈ້ງການສະພາບອາກາດ ປະຈຳວັນທີ 26 ກຸມພາ 2025 ເວລາ 06:00 ໂມງ

ພະຍາກອນອາກາດແຕ່ເວລາ 07 ໂມງ ຂອງວັນທີ 26/02/2025 ຫາ ເວລາ 07 ໂມງ ຂອງວັນທີ 27/02/2025 ມວນອາກາດຫນາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສ ລົມຕາເວັນອອກສ່ຽງເຫນືອພັດປົກຄຸມ....