ສຳນັກຂ່າວເອເອຟພີລາຍງານຈາກນະຄອນຫຼວງໂຕກຽວ ປະເທດ ຍີປຸ່ນ ເມື່ອວັນທີ 4 ກັນຍາ 2018 ວ່າ ອຸປະກອນທົດສອບທີ່ຜະລິດໂດຍທີມນັກວິໄຈຂອງມະຫາວິທະຍາໄລ ຊິຊຸໂອກະ ຈະຖືກສົ່ງໄປກັບຈະຫຼວດຊັບດັນ ເອຊ-2ບີ ປ່ອຍຂຶ້ນຈາກສູນອາວະກາດຍີປຸ່ນ ເທິງເກາະທາເນກະຊິມາ ທາງພາກໃຕ້ໃນອາທິດໜ້າ. ການທົດສອບຈະກ່ຽວພັນກັບລິບຂະໜາດນ້ອຍ ເຊິ່ງມີຄວາມຍາວ 6 cm, ກວ້າງ 3 cm ແລະ ສູງ 3 cm. ເຊິ່ງຈະເປັນຄັ້ງທຳອິດຂອງໂລກ ນີ້ເປັນພຽງຂັ້ນເລີ່ມຕົ້ນຂອງການກ້າວສູ່ຄວາມຝັນໃນອານາຄົດໃນການສ້າງລິບອາວະກາດ.

ແນວຄວາມຄິດການສ້າງລິບອາວະກາດໄດ້ຖືກສະເໜີຂຶ້ນເປັນຄັ້ງທຳອິດໃນປີ 1895 ຫຼື 123 ປີກ່ອນ ໂດຍທ່ານ ຄອນສະແຕນຕິນ ໄຊອໍຄອຟສກີ ນັກວິທະຍາສາດຊາວຣັດເຊຍ ແລະ ແນວຄິດນີ້ປະກົດອີກຄັ້ງເກືອບ 1 ສະຕະວັດຕໍ່ມາ ໃນງານຂຽນນະວະນິຍາຍແນວວິທະຍາສາດຂອງ ອາຣ໌ເທີ ຊີ ຄລາກ ຊາວອັງກິດ.

ບໍລິສັດກໍ່ສ້າງໂອບາຍາຊິຂອງ ຍີ່ປຸ່ນ ທີ່ກຳລັງເຮັດວຽກຮ່ວມມືກັບໂຄງການຂອງມະຫາວິທະຍາໄລ ຊິຊຸໂອກະ ຍັງສຳຫຼວດຫາແນວທາງອື່ນໆ ໃນການສ້າງລິບອາວະກາດຂອງຕົນເອງ ເພື່ອນຳນັກທ່ອງທ່ຽວຂຶ້ນໄປສູ່ອາວະກາດໃນປິ 2050.

https://youtu.be/5Rri91JULIY

ແຫຼ່ງຂ່າວ: www.dailynews.co.th
ຮູບປະກອບ: www.cnet.com
ວິດີໂອປະກອບ: Random Clips official,