ເມື່ອວັນທີ 28 ສິງຫາ 2018 ຈາກກໍລະນີທີ່ທາງສະຫະພັນບານເຕະແຫ່ງຊາດລາວໄດ້ອອກມາໂພສໃບແຈ້ງການລົງວິໄນຕໍ່ປະທານ ສະໂມສອນບານເຕະວຽງຈັນ ຢູໄນເຕັດ ເນື່ອງຈາກໃນວັນທີ 25 ສິງຫາ 2018 ຜູ້ກ່ຽວໄດ້ຖ່າຍທອດສົດຜ່ານທາງເຟສບຸ໊ກສ່ວນຕົວວິຈານທາງເຂົ້າສະຫະພັນບານເຕະແຫ່ງຊາດລາວ ເຊິ່ງທາງ ສຕລ ໃຫ້ເຫດຜົນວ່າພຶດຕິກຳນີ້ແມ່ນບໍ່ເໝາະສົມ ແລະ ສ້າງຄວາມເສື່ອມເສຍໃຫ້ແກ່ສະຫະພັນບານເຕະແຫ່ງຊາດລາວກໍ່ຄື ປະເທດຊາດ ດັ່ງນັ້ນຈິ່ງໄດ້ລົງວິໄນ ນາງ ພິຈິກາ (ໂບ) ປະທານສະໂມສອນບານເຕະວຽງຈັນ ຢູໄນເຕັດ ເປັນເວລາ 90 ວັນ ໂດຍຫ້າມບໍ່ໃຫ້ຫຍຸ້ງກ່ຽວກັບທຸກໆກິດຈະກຳບານເຕະ ໃນ ສປປ ລາວ.
ຫຼັງຈາກນັ້ນບໍ່ພໍເທົ່າໃດຊົ່ວໂມງ ປະທານສະໂມສອນບານເຕະວຽງຈັນ ຢູໄນເຕັດ ໄດ້ອອກມາໂພສຜ່ານເຟສບຸ໊ກສ່ວນຕົວທີ່ມີຊື່ວ່າ Phijika Boonkwang ໂດຍໄດ້ສະແດງຄວາມຮູ້ສຶກເສຍໃຈ ແລະ ຂໍຖອນຕົວຈາກການເປັນປະທານສະໂມສອນບານເຕະວຽງຈັນ ຢູໄນເຕັດ.
https://www.facebook.com/iamphijika/videos/10156409690166480/?hc_ref=ARTIW3Wx02vyb16bBD_zdH_VvGz98WxGntQrYnOOEa1WUrtc6uqHahwAgR2JafrBHk8&fref=nf&__xts__[0]=68.ARBSzmJGnFmIPfJzV57LJJw5M1OCwZeVSmypzpQt3aZLcbYkdgbHkjAnB6OwZqxXhUJocasrgC1nxdxJZNPXL3y-6xKK-Cwk4KOG-czJMfA_jDLP8S9GncrajdgNnLbgRwIAs9o&__tn__=C-R
ແຫລ່ງຂ່າວ: ເຟສບຸ໊ກເພສ ສະຫະພັນບານເຕະແຫ່ງຊາດລາວ, ເຟສບຸ໊ກ Phijika Boonkwang