ສຳນັກຂ່າວຕ່າງປະເທດລາຍງານຈາກນະຄອນຫຼວງ ວໍຊິງຕັນ ປະເທດສະຫະລັດອາເມລິກາ ເມື່ອວັນທີ 21 ສິງຫາ 2018ວ່າ ກະຊວງການເງິນສະຫະລັດຖະແຫຼງການເມື່ອວັນອັງຄານ ຂຶ້ນບັນຊີດຳບໍລິສັດຊິບປິ້ງຂອງຣັດເຊຍ 2 ແຫ່ງ ເຊິ່ງມີສຳນັກງານໃຫຍ່ຢູ່ທີ່ເມືອງ ວາລາດິວອສຕ໊ອກຄື ບໍລິສັດ ປຣີມໍເຍ ມາຣິທາມ ໂລຈິສຕິກສ໌ ແລະ ບໍລິສັດ ກັດຊອນ ຊິບປິ້ງ ພ້ອມທັງຂຶ້ນບັນຊີດຳເຮືອບັນທຸກສິນຄ້າຕິດທຸງຊາດຣັດເຊຍ 6 ລຳ

ລັດຖະມົນຕີກະຊວງການເງິນຂອງສະຫະລັດກ່າວວ່າ ບໍລິສັດ ແລະ ເຮືອທັງໝົດທີ່ຂຶ້ນບັນຊີດຳຄັ້ງນີ້ໄດ້ລະເມີດມາດຕະການຄວໍ້າບາດເກົາຫຼີເໜືອ ທີ່ກຳນົດໂດຍ ຢູເອັນເອສຊີ ເຊິ່ງຫ້າມການແລກປ່ຽນສິນຄ້າລະຫວ່າງເຮືອຂອງເກົາຫຼີເໜືອກັບເຮືອຂອງທຸກປະເທດ ແລະ ການເຮັດທຸລະກຳທີ່ກ່ຽວຂ້ອງ

ຕໍ່ມາທ່ານ ເຊີເກ ຣິບຄອຟ ລັດຖະມົນຕີກະຊວງການຕ່າງປະເທດຣັດເຊຍ ກ່າວວ່າເປັນອີກຄັ້ງທີ່ລັດຖະບານວໍຊິງຕັນປະກາດໃຊ້ມາດຕະການຄວໍ້າບາດ “ແບບຫຼັກລອຍ” ພຽງຝ່າຍດຽວ ແລະ ລັດຖະບານມອສໂກຈະມີມາດຕະການຕອບໂຕ້ໃນເລື່ອງນີ້ຄືກັນ

ແຫລ່ງຂ່າວ: dailynews