ສຳນັກຂ່າວຕ່າງປະເທດລາຍງານເມື່ອວັນທີ 18 ສິງຫາ 2018ວ່າ ມູນນິທິໂຄຟີ ອັນນັນຖະແຫຼງການວ່າ ທ່ານ ໂຄຟີ ອັນນັນ ອະດີດເລຂາທິການສະຫະປະຊາຊາດໄດ້ເສຍຊີວິດໃນວັນເສົາທີ 18 ສິງຫາ 2018 ດ້ວຍໄວອາຍຸ 80 ປີ ດ້ວຍພະຍາດຂອງຜູ້ກ່ຽວ ທີ່ໂຮງໝໍໃນນະຄອນຫຼວງ ເບິຣນ ຂອງສະວິດເຊີແລນ ໂດຍມີພັນລະຍາ ແລະ ລູກອີກ 3 ຄົນ ຢູ່ຄຽງຂ້າງໃນວາລະສຸດທ້າຍ.

ທ່ານ ໂຄຟີ ອັນນັນ ໃຊ້ຊີວິດເກືອບໝົດໃນຖານະເຈົ້າໜ້າທີ່ຂອງອົງການສະຫະປະຊາຊາດ ຈົນໄດ້ຮັບຄັດເລືອກໃຫ້ດຳລົງຕຳແໜ່ງເລຂາທິການສະຫະປະຊາຊາດເຖິງ 2 ສະໄໝ ຕັ້ງແຕ່ວັນທີ 1 ມັງກອນ 1997 ຈົນເຖິງວັນທີ 31 ທັນວາ 2006 ເຊິ່ງຜົນງານໜຶ່ງທີ່ສຳຄັນຄືເຂົາກັບອົງການສະຫະປະຊາຊາດໄດ້ຮັບລາງວັນໂນເບລສັນຕິພາບເມື່ອປີ 2001

ທ່ານ ອັນໂຕນິໂອ ກູເຕຣ໌ເຣສ ເລຂາທິການສະຫະປະຊາຊາດຄົນປັດຈຸບັນໄດ້ກ່າວສະແດງຄວາມເສຍໃຈເມື່ອຮູ້ຂ່າວມໍລະນະກຳຂອງທ່ານ ໂຄຟີ ອັນນັນ ພ້ອມທັງກ່າວຍ້ອງຍໍວ່າເປັນຜູ້ຊີ້ນຳພະລັງແຫ່ງຄວາມດີ ແລະ ກ້າວຂຶ້ນຕຳແໜ່ງສູງສຸດຂອງອົງການສະຫະປະຊາຊາດໃນຍຸກທົດສະວັດໃໝ່ເຊິ່ງບໍ່ມີໃຜທຽບໄດ້ທັງກຽດຕິຍົດ ແລະ ຄວາມມຸ່ງໝັ້ນ.