ເມື່ອເວລາ 9:40ນາທີ ຂອງວັນທີ 29 ກໍລະກົດ 2018 ມີລາຍງານແຈ້ງວ່າ ລົດບັນທຸກ 6 ລໍ້ ທະບຽນ ຈຳປາສັກ ກກ 6549 ທີ່ຂົນເຄື່ອງບໍລິຈາກນຳໄປຊ່ວຍເຫຼືອຜູ້ປະສົບໄພພິບັດນ້ຳຖ້ວມເຫດຈາກເຂື່ອນເຊປຽນ-ເຊນ້ຳນ້ອຍແຕກ ໄດ້ເກີດອຸບັດຕິເຫດຕົກຂົວ 52 ຕົກຂົວເຊນຳ້ນ້ອຍທາງປາກຊ່ອງ ທາງໄປອັດຕະປື ເຮັດໃຫ້ມີຜູ້ເສຍຊີວິດ 1 ຄົນ ຊື່ທ້າວ ອິນປັນ ຈັນທະວົງສາ ອາຍຸ 28ປີ ເປັນຄົນບ້ານ ຄຳແສນໄຊ,​ເມືອງ ໄຊພູທອງ ແຂວງ ສະຫວັນນະເຂດ ແລະ ມີຜູ້ບາດເຈັບ 1 ຄົນ (ບໍ່ຮູ້ຊື່). ເຊິ່ງໜ່ວຍກູ້ໄພນະຄອນຫລວງ 1624 ຊ່ວຍປະຖົມພະຍາບານຂັ້ນຕົ້ນໃຫ້ແກ່ຜູ້ບາດເຈັບໄປໂຮງໜໍແລ້ວ.