ເມື່ອວັນທີ 28 ກໍລະກົດ 2018 ທີມກູ້ໄພນະຄອນຫຼວງວຽງຈັນ 1623 ລາຍງານ ວ່າ ພົບຜູ້ລອດຊີວິດຊາຍ 3 ຄົນ ທີ່ຕິດຢູ່ບໍລິເວນນ້ຳຖ້ວມ ແລະ ຊ່ວຍພວກເຂົາໄວ້ຢ່າງປອດໄພ.
ໜ່ວຍກູ້ໄພນະຄອນຫຼວງ ຮ່ວມກັບ ມູນນິທິ ປໍເຕັກຕຶ້ງ ອອກຄົ້ນຫາຜູ້ປະສົບໄພນໍ້າຖ້ວມ ເຊິ່ງການເດີນທາງໄກອອກຈາກຈຸດທີ່ສາມາດລ່ອງເຮືອໄດ້ຫຼາຍກິໂລແມັດ ທີມຄົ້ນຫາໄດ້ພົບຜູ້ຢູ່ບໍລິເວນໂນນສູງ ເຊິ່ງມີນໍ້າຖ້ວມທັງ 4 ດ້ານ ເຊິ່ງທັງ 3 ຄົນໄດ້ບອກກ່າວກັບທີມກູ້ໄພວ່າ ໃນໄລຍະທີ່ຕິດຢູ່ແບບນີ້ຕະຫຼອດ 3 ມື້ ພວກເຂົາອາໃສການກິນມັນ ແລະ ອາຫານທີ່ຫາໄດ້ ດັ່ງນັ້ນທີມງານຈຶ່ງໄດ້ນຳພາພວກເຂົາອອກມາຈາກຈຸດນໍ້າຖ້ວມເຂົ້າສູນອາໄສຊົ່ວຄາວແລ້ວ.
