ເມື່ອວັນທີ 27 ກໍລະກົດ 2018 ມີລາຍງານວ່າ ທ່ານ ຄຳມະນີ ອິນທິລາດ ລັດຖະມົນຕີການຊວງພະລັງງານ ແລະ ບໍ່ແຮ່ ຖະແຫຼງເຖິງສາເຫດທີ່ເຮັດໃຫ້ເຂື່ອນເຊປຽນ-ເຊນ້ຳນ້ອຍແຕກ ເບື້ອງຕົ້ນແມ່ນມາຈາກການກໍ່ສ້າງທີ່ບໍ່ໄດ້ມາດຕະຖານ ສ່ວນສາເຫດຢ່າງລະອຽດແມ່ນຢູ່ລະຫວ່າງການກວດສອບ ໂດຍພາກສ່ວນທີ່ກ່ຽວຂ້ອງຕ້ອງຊົດໃຊ້ຄ່າເສຍຫາຍທີ່ເກີດຂຶ້ນຕາມສັນຍາ.
ທ່ານ ຄຳມະນີ ກ່າວວ່າ ພາລະກິດຂອງລັດຖະບານລາວ ຜູ້ພັດທະນາໂຄງການ ຕະຫຼອດຈົນຮອດໜ່ວຍງານທີ່ກ່ຽວຂ້ອງຈະຕ້ອງເອົາໃຈໃສ່ຟື້ນຟູສະພາບຊີວິດຄວາມເປັນຢູ່ຂອງປະຊາຊົນທີ່ໄດ້ຮັບຜົນກະທົບເຊິ່ງພາລະກິດນີ້ຈະແບ່ງເປັນ 2 ໄລຍະຄື: ໄລຍະສັ້ນ ຕ້ອງໃຫ້ການຊ່ວຍເຫຼືອບັນເທົາທຸກແກ່ຜູ້ປະສົບເຄາະຮ້າຍຈາກເຫດການນ້ຳຖ້ວມ ສ່ວນໄລຍະຍາວຕ້ອງຟື້ນຟູໝູ່ບ້ານ ກໍ່ສ້າງອາຄານທີ່ພັກອາໃສໃຫ້ແກ່ປະຊາຊົນໄດ້ມີພື້ນທີ່ດຳລົງຊີວິດ
ທາງດ້ານ ທ່ານ ໄຊປະເສດ ພົມສຸຂາ ຫົວໜ້າກົມທຸລະກິດພະລັງງານ ກະຊວງພະລັງງານ ແລະ ບໍ່ແຮ່ ກ່າວວ່າ ຍັງໄວເກີນໄປທີ່ຈະກ່າວເຖິງລາຍລະອຽດການຊົດເຊີຍຄ່າເສຍຫາຍໃນຕອນນີ້ ໂດຍຈະຕ້ອງພິຈາລະນາເຖິງສາເຫດ ແລະ ຄວາມເສຍຫາຍທີ່ເກີດຂຶ້ນຈາກເຂື່ອນກ່ອນ ພາຍໃຕ້ຂໍ້ຕົກລົງການສຳປະທານເຊິ່່ງມີລາຍລະອຽດຫຼາຍຢ່າງເພື່ອຈະໄດ້ຮູ້ວ່າບໍລິສັດຈະຕ້ອງໄດ້ຮັບຜິດຊອບຫຼາຍພຽງໃດ
ແຫລ່ງຂ່າວ: www.matichon.co.th ແລະ raosukunfung.com