ຄະນະຮັບຜິດຊອບໄພພິບັດຂັ້ນແຂວງລາຍງານສະພາບນໍ້າຖ້ວມໃນທົ່ວແຂວງຄຳມ່ວນ ວັນທີ 26 ກໍລະກົດ 2018 ລາຍງານໃຫ້ຮູ້ວ່າ ເນື່ອງຈາກສະພາບອາກາດ ແລະ ພາຍຸໝູນເຂດຮ້ອນເຊິນເຕິນຫົວທີ 9 ປີ 2018 ພັດຜ່ານແຂວງຄຳມ່ວນ ຕັ້ງແຕ່ວັນທີ 16 ກໍລະກົດ 2018 ຈົນຮອດປັດຈຸບັນ ເຮັດໃຫ້ລະດັບນ້ຳຂອງ,​ນ້ຳເຊ, ນ້ຳຫີນບູນ ສາຂາແມ່ນ້ຳສາຂາຕ່າງໆ ໄດ້ເພີ່ມຂຶ້ນຢ່າງໄວວາ ແລະ ແຜ່ຂະຫຍາຍອອກເປັນບໍລິເວນກ້ວາງ ເຮັດໃຫ້ມີສະພາບນ້ຳຖ້ວມກວມເອົາ 10 ຕົວເມືອງຂອງແຂວງ ບາງເມືອງເສັ້ນທາງຄົມມະນາຄົມຖືກຕັດຂາດ ການສັນຈອນຂອງປະຊາຊົນພົບຄວາມຫຍຸ້ງຍາກ.

ມາຮອດວັນທີ 26 ກໍລະກົດ 2018 ລະດັບນ້ຳໄດ້ເພີ່ມຂຶ້ນໄຫລເຂົ້າສູ່ພື້ນທີ່ການຜະລິດຂອງປະຊາຊົນຢູ່ 8 ເມືອງຄື: ເມືອງບົວລະພາ, ເມືອງຫີນບູນ, ເມືອງ ທ່າແຂກ, ເມືອງ ໄຊບົວທອງ, ເມືອງ ຍົມມະລາດ, ເມືອງ ມະຫາໄຊ, ເມືອງ ໜອງບຶກ, ເມືອງ ເຊບັ້ງໄຟ, ມີ 109 ບ້ານ, ເນື້ອທີ່ນາຖືກນ້ຳຖ້ວມ 3.890.026 ເຮັກຕາ, ສຳລັບເມືອງ ຄຳຄູນ ແລະ ເມືອງ ນາກາຍຍັງບໍ່ທັນໄດ້ຮັບການລາຍງານ

ເຊິ່ງປັດຈຸບັນຄະນະກຳມະທີການ ຄພຍ ຂອງແຂວງໄດ້ຮັບການອຸປະຖຳຈາກພາກສ່ວນຕ່າງໆລວມມູນຄ່າເປັນເງິນຈຳນວນ 177.327.000 ລ້ານກີບ, ເປັນວັດຖຸ 71.662.000 ກີບ

ແຫລ່ງຂ່າວ:​ ແຂວງຄຳມ່ວນ