ເມື່ອວັນທີ 25 ກໍລະກົດ 2018 ສະຖານທູດຍີປຸ່ນປະຈຳ ສປປ ລາວ ໄດ້ໂພສຂໍ້ຄວາມຜ່ານເຟສບຸ໊ກເພສ ສະຖານທູດ ໂດຍໃຫ້ຮູ້ວ່າ ລັດຖະບານຍີປຸ່ນຮັບການຮ້ອງຂໍ ການຊ່ວຍເຫລືອຕໍ່ອຸທົກກະໄພທີ່ເກີດຂື້ນຢູ່ແຂວງອັດຕະປືທາງພາກໃຕ້ຂອງ ສ.ປ.ປ ລາວ ແລະໄດ້ຕົກລົງມອບເຄື່ອງຊ່ວຍເຫລືອສຸກເສີນ(ເຊັ່ນ: ຜ້າເຕັ້ນ, ຜ້າຫົ່ມ ແລະ ອື່ນໆ)ໂດຍຜ່ານອົງການຮ່ວມມືສາກົນຍີ່ປຸ່ນ(JICA)
ໂດຍອີງຕາມສາຍພົວພັນມິດຕະພາບທີ່ດີລະຫວ່າງຍີປຸ່ນ-ລາວ,ປະເທດຍີ່ປຸ່ນໄດ້ໃຫ້ການຊ່ວຍເຫລືອສຸກເສີນຕໍ່ປະເທດລາວກໍຄືໃຫ້ການຊ່ວຍເຫລືອຕາມຄວາມຈຳເປັນທາງດ້ານມະນຸດສະທຳແກ່ຜູ້ປະສົບໄພ
