ຜູ້ນຳຂອງຟີລິບປິນ ນຳສະເໜີຮ່າງກົດໝາຍສ້າງລັດອິດສະລາມ ຫວັງຢຸດຕິບັນຫາຂໍ້ຂັດແຍ່ງພາຍໃນປະເທດ ໂດຍຈະມີ
ການເຈລະນາສັນຕິພາບຢ່າງເປັນທາງການ ກັບກຸ່ມແບ່ງແຍກດິນແດນໃນເດືອນຕຸລານີ້.
ສື່ຂອງຕ່າງປະເທດລາຍງານ ໃນວັນທີ 10 ກັນຍາ 2014 ນີ້ວ່າ ປະທານາທິບໍດີ ເບນິກໂນ ອາຄວີໂນ ໄດ້ສົ່ງຮ່າງກົດໝາຍຕໍ່
ສະພາຜູ້ແທນຂອງຟິລິບປິນ ເພື່ອສ້າງເຂດປົກຄອງຕົນເອງຂອງມຸດສະລິມໃນພາກໃຕ້ຂອງປະເທດ ເຊິ່ງຈະມີຂັ້ນຕອນ
ຂອງການເຈລະຈາ ທີ່ຈະນຳມາເຊິ່ງການຢຸດຕິບັນຫາການຕໍ່ສູ້ກັນພາຍໃນປະເທດ ລະຫວ່າງກອງກຳລັງຂອງລັດຖະບານ
ແລະ ກຸ່ມແບ່ງແຍກດິນດິນມຸດສະລິມ.
ທັງນີ້ ຮ່າງກົດໝາຍດັ່ງກ່າວ ແມ່ນໄດ້ຖືກສົ່ງໄປເຖິງສະພາຜູ້ແທນຂອງຟິລິບປິນ ໃນວັນທີ 10 ກັນຍາ 2014 ທີ່ຜ່ານມາ
ແລະ ຈະມີການເຈລະຈາສັນຕິພາບຢ່າງເປັນທາງການຂຶ້ນ ໃນລະຫວ່າງເດືອນຕຸລາຂອງປີນີ້.