ສຳນັກຂ່າວຕ່າງປະເທດລາຍງານຈາກນະຄອນຫຼວງ ເຮລຊິງກິ ປະເທດຟິນແລນ ເມື່ອວັນທີ 16 ກໍລະກົດ 2018ວ່າ ປະທານາທິບໍດີ ໂດນັລ ທຣັມ ເລີ່ມຕົ້ນການປະຊຸມສຸດຍອດປະຫວັດສາດ ກັບ ປະທານາທິບໍດີ ວາລາດີເມຍ ປູຕິນ ໃນຖານະສອງຊາດມະຫາອຳນາດນິວເຄຣຍຂອງໂລກ ໂດຍຜູ້ນຳສະຫະລັດໄດ້ຍົກປະເດັນສ່ວນຕົວເລື່ອງທີ່ຣັດເຊຍເຂົ້າແຊກແຊງການເລືອກຕັ້ງປະທານາທິບໍດີສະຫະລັດ ເມື່ອປີ 2016 ຂຶ້ນມາຫາລືກັບຜູ້ນຳຣັດເຊຍ ແລ້ວຍັງກ່າວຕຳນິດ້ວຍຖ້ອຍຄຳຮຸນແຮງຕໍ່ລັດຖະບານສະຫະລັດຊຸດເກົ່າທີ່ເຮັດໃຫ້ຄວາມສຳພັນຂອງສະຫະລັດກັບຣັດເຊຍກ້າວເຂົ້າສູ່ຈຸດຕົກຕ່ຳ

ຂ່າວລາຍງານວ່າ ເມື່ອວັນທີ 17 ກໍລະກົດ 2018 ທ່ານ ໂດນັລ ທຣັມ ແລະ ທ່ານ ປູຕິນ ໄດ້ມີຖະແຫຼງຮ່ວມກັນຫຼັງຈາກສຳເລັດການພົບປະຫາລື ໂດຍປະເດັນສຳຄັນໃນການຖະແຫຼງຮ່ວມເຖິງໜ່ວຍງານຂ່າວກອງຂອງສະຫະລັດມີຄວາມໝັ້ນໃຈວ່າ ຣັດເຊຍຢູ່ເບື້ອງຫຼັງການແຊກແຊງການເລືອກຕັ້ງປະທານາທິບໍດີສະຫະລັດເມື່ອປີ 2016 ທຣັມໄດ້ກ່າວວ່າເຂົາໄດ້ຮັບການຢືນຢັນຈາກປູຕິນວ່າ ຣັດເຊຍບໍ່ມີສ່ວນກ່ຽວຂ້ອງ ແລະ ຕົນເອງເຫັນພ້ອມກັບຄຳດັ່ງກ່າວ ແຕ່ກໍ່ເຊື້ອໝັ້ນໃນການທຳງານຂອງທຸກຝ່າຍທີ່ກ່ຽວຂ້ອງ

ສຳລັບການພົບກັນໃນຄັ້ງນີ້ຖືເປັນຄັ້ງທຳອິດໃນຮອບ 21 ປີ ທີ່ປະທານາທິບໍດີສະຫະລັດສະຫະລັດ ແລະ ປະທານາທິບໍດີຣັດເຊຍປະຊຸມຮ່ວມກັນ.