ສຳນັກຂ່າວຕ່າງປະເທດລາຍງານເມື່ອວັນທີ 4 ກໍລະກົດ 2018ວ່າ ກຸ່ມຕິດອາວຸດອິສລາມ (ໄອຊິສ) ອອກຖະແຫລງການຜ່ານສຳນັກຂ່າວ ອາມັກ ຢືນຢັນວ່າ ທ້າວ ອູໄທຟາຫ໌ ອັລ-ບາດຣີ ລູກຊາຍຂອງ ທ້າວ ອາບູ ບາຄາຣ໌ ອັລ-ບັດດາດີ ຜູ້ນຳສູງສຸດຂອງພວກເຂົາທີ່ມີອາຍຸພຽງ 14 ປີ ຖືກສັງຫານແລ້ວໃນລະຫວ່າງອອກປະຕິບັດການຕໍ່ສູ້ກັບທະຫານກອງທັບຊີເຣຍຝ່າຍປະທານາທິບໍດີ ບາຊາຣ໌ ອັລ-ອັສຊາດ ຫຼື ທີ່ພວກໄອຊິສຮຽກວ່າ “ນູໄຊຣີຍາ” ແລະ ກອງກຳລັງທະຫານຣັດເຊຍ ທີ່ໂຮງໄຟຟ້າພະລັງງານຄວາມຮ້ອນໃນເມືອງຮອມສ໌
ເອສໂອເອຊອາຣຖະແຫຼງເມື່ອວັນອັງຄານວ່າ ນັກຮົບກຸ່ມຍ່ອຍຂອງໄອເອສໃນເມືອງຮາຈິນ ແຂວງ ເດອິຣ໌ເອສຊໍ ທາງພາກຕະເວັນອອກຂອງຊີເຣຍ ຖືກກອງກຳລັງພັນທະມິດນຳໂດຍສະຫະລັດໂຈມຕີຢ່າງໜັກ ແລະ ນັກຮົບໄອຊິສຖືກສັງຫານຢ່າງໜ້ອຍ 12 ຄົນ