ເມື່ອບໍ່ດົນນີ້ ສານປະຊາຊົນນະຄອນຫລວງວຽງຈັນ ໄດ້ຕັດສີນລົງໂທດ ທ້າວ ຄຳແພງ ອາຍຸ 22 ປີຢູ່ບ້ານນາເລົ່າ ເມືອງ
ສີໂຄດຕະບອງ ນະຄອນຫລວງວຽງຈັນ ໃຫ້ຈຳຄຸກ 6 ປີື ພ້ອມປັບໃໝເງິນ 28 ລ້ານກີບ ແລະ ທ້າວ ຕິກ ອາຍຸ 22 ປີຢູ່
ບ້ານດຽວກັນໃຫ້ຈຳຄຸກເປັນເວລາ 5 ປີ ແລະ ປັບໃໝເງິນ 10 ລ້ານກີບ. ໂດຍທ້າວ ຄຳແພງ ຖືກເຈົ້າໜ້າທີ່ຈັບຕົວໄດ້
ຢູ່ໃນ ເຮືອນຜູ້ກ່ຽວພ້ອມຂອງກາງຢ້າບ້າເກືອບ 200 ເມັດ ເມື່ອທ້າຍເດືອນທັນວາ 2013 ແລະ ສ່ວນທ້າວ ຕິກ ຖືກເຈົ້າ
ໜ້າທີ່ຈັບຕົວໄດ້ພ້ອມຂອງກາງຢາບ້າ 10 ເມັດ.
ເຈົ້າໜ້າທີ່ໃຫ້ຮູ້ວ່າ: ທັງສອງ ແມ່ນຂະບວນການຄ້າຂາຍຢາເສບຕິດອັນຕະລາຍຢູ່ນະຄອນຫລວງວຽງຈັນ, ເຊິ່ງເປັນເປົ້າ
ໝາຍຕິດຕາມຂອງເຈົ້າໜ້າທີ່ມາດົນແລ້ວ, ໂດຍສະເພາະທ້າວ ຄຳແພງ ແມ່ນເຄີຍເຂົ້າບຳບັດຢູ່ສູນສົມສະຫງ່າມາແລ້ວ
ໜຶ່ງຄັ້ງ ຍ້ອນຕິດຢາເສບຕິດ ແລະ ເມື່ອອອກມາກໍບໍ່ມີຄວາມເຂັດຫລາບ ຍັງມີການພົວພັນມົ້ວສຸມຄ້າຂາຍຢາເສບຕິດ
ຄືເກົ່າ, ອັນເປັນກະທຳທີ່ຜິດກົດໝາຍ ແລະ ເປັນໜໍ່ແໜງເຮັດໃຫ້ສັງຄົມບໍ່ມີຄວາມສະຫງົບ.
ແຫຼ່ງຂ່າວ: ລາວພັດທະນາ