Homeຂ່າວທ້ອງຖິ່ນທະນາຄານ ເອຊີລີດາ ລາວ ຈຳກັດ ເປີດຕົວແອັບມືຖື " ເອຊີລີດາ ຢູນີທີ ທັນໃຈ" ຢ່າງເປັນທາງການ

ທະນາຄານ ເອຊີລີດາ ລາວ ຈຳກັດ ເປີດຕົວແອັບມືຖື ” ເອຊີລີດາ ຢູນີທີ ທັນໃຈ” ຢ່າງເປັນທາງການ

Published on

ໃນວັນທີ 25 ມິຖຸນາ 2018, ທະນາຄານ ​ເອຊີ​ລີ​ດາ ລາວ ຈຳກັດ ​ໄດ້​ປະກາ​ດເປີດ​ຕົວ​ຜະລິດ​ຕະພັນໃໝ່ “​​ເອຊີ​ລີ​ດາ ຢູນີທີທັນ​ໃຈ” ​ອອກ​ສູ່​ສາ​ທາ​ລະນະ​ຢ່າງ​ເປັນ​ທາງ​ການ ​ເຊິ່ງ​ເປັນ​ການ​ບໍລິການ​​ເທິງ​ໂທລະສັບ​ມື​ຖືປຽບ​ເໝືອນ “ ທະນາຄານ​ຢູ່​ໃນ​ກຳມືຂອງ​ທ່ານ ” ​ທີ່ຈະອຳນວຍ​ຄວາມ​ສະດວກ ​ແລະ ປອດ​ໄພ​ໃນ​ການ​ຈັດການ​ທຸລະ​ກຳ​ທາງ​ເງິນ​ປະຈຳ​ວັນ​ໃນ​ທຸກໆມື້, ທຸກ​ທີ່, ທຸກ​ເວລາ. ສາມາດ​ນຳ​ໃຊ້​ໄດ້​ທັງ​ພາສາ​ລາວ, ອັງກິດ ​ແລະ ​ເຮັດ​ທຸລະ​ກຳທາງການເງີນ​ໄດ້​ໃນ​ສະກຸນ​ເງິນ​ກີບ, ​ໂດ​ລາ​ສະຫະລັດ ​ແລະ ບາດ.

“ ຈຸດປະສົງຂອງ​ພວກ​ເຮົາ​ແມ່ນ​ການ​ໃຫ້ການ​ບໍລິການ​ທາງດ້ານ​ການ​ເງິນ​ແກ່​ປະຊາຊົນ​ທຸກ​ຄົນ ” ທ່ານ ດຣ ຮາ​ຍ ສະ​ວາຍ​, ຜູ້ອຳນວຍການ​ໃຫຍ່ ທະນາຄານ ​ເອຊີ​ລີ​ດາ ລາວ ​ກ່າວ​. “​ ເອຊີ​ລີ​ດາ ຢູນີທີ ທັນ​ໃຈ “, ດັ່ງ​ທີ່​ຮູ້ກັນ​ວ່າ “​ເອຊີ​ລີ​ດາ ທັນ​ໃຈ” ສາມາດ​ໃຊ້​ງານ​ໄດ້​ກັບ​ທຸກ​ເຄືອ​ຂ່າຍ​ໂທລະສັບ ​ແລະ ​ໃຊ້​ໄດ້​ກັບ​ໂທລະສັບ​ມື​ຖື​ທຸກ​ປະ​ເພດ. “ ເອຊີລີດາ ຢູນີທີ ທັນໃຈ ” ​ແມ່ນ​ການລວມທາງເລືອກ​ການ​ບໍລິການ​ທາງ​ການ​ເງິນ​ທັງໝົດ​ມາ​ໄວ້​ບ່ອນ​ດຽວກັນ ​ເຊິ່ງອຳນວຍ​ຄວາມ​ສະດວກ​ໃນ​ການ​ເຮັດ​ທຸລະ​ກຳ​ມື້ຕໍ່​ມື້ຜ່ານ​ໂທລະສັບ​ມື​ຖື​​ໄດ້​ທຸກ​ທີ່​​ໃນ​ທົ່ວ​ປະ​ເທດ.” ທ່ານ​ໄດ້​ລະບຸ.

“ ເອຊີລີດາ ຢູນີທີ ທັນໃຈ ” ​ປະຕິບັດ​ງານ​ໂດຍ​ພື້ນຖານ 24 ຊົ່ວ​​ໂມງ/7ວັນ ​ດ້ວຍ​ຄຸນສົມບັດ​ການ​ປ້ອງ​ກັນ​ຄວາມ​ປອດ​ໄພ​ທີ່​ຫຼາກ​ຫຼາຍ, ທະນາຄານ​​ຢັ້ງຢືນ​ວ່າ ​ເອຊີ​ລີ​ດາ ຢູນີທີ ທັນ​ໃຈ ​ໃຫ້​ທາງ​ເລືອກ​ລູກ​ຄ້າ​ໃນ​ການ​​ດາວ​ໂຫຼ​ດ​ແອັບ​ພລິກ​ເຄຊັ່ນ​ໄດ້ຕາມຄວາມ​ຕ້ອງການ​ຂອງ​ທ່ານ, ລູກ​ຄ້າ​ຍັງ​ສາມາດ​ກວດ​ຍອດ​ເງິນ​ໃນ​ບັນຊີ, ກວດ​ໃບ​ລາຍ​ງານ​ບັນຊີ​ຫຍໍ້. ​ໂອນ​ເງິນ​ລະຫວ່າງ​ບັນຊີ​ຂອງ​ຕົນ​ເອງ, ​ໂອນ​ເງິນ​ຈາກ​ບັນຊີຫາໝາຍເລກໂທລະສັບມືຖື,   ຊຳລະ​ເງິນ​ໃຫ້​ກັບ​ບຸກຄົນ​ອື່ນ, ການ​ຊຳລະ​ໃບ​ບິນ (​ໃບ​ບິນສາທາລະ​ນຸປະ​ ໂພ​ກ ​ແລະ ບັນຊີ​ອື່ນໆ) ​ນອກຈາກນີ້ຍັງມີບໍລິການ ຕື່ມ​ມູນ​ຄ່າ​ໂທ, ການ​ຊຳລະ​ຄ່າ​ສິນ​ຄ້າ ​ແລະ ບໍ​ລິ​ການຜ່ານ QR code ​ໂດຍ​ການ​ນຳ​ໃຊ້​ໂທລະສັບ​ສ່ວນ​ຕົວ​ໄດ້​ທຸກ​ເວລາ ທຸກ​ສະຖານ​ທີ່ ​ແລະ ຈະ​ມີ​ການ​ເພີ່ມການ​ບໍລິການ​ອື່ນໆອີກຕາມ​ຄວາມ​ຕ້ອງການ​ຂອງ​ລູກ​ຄ້າ. ໃນຄ່ຳ​ຄືນ​ນີ້ແຫ່ງການປະກາດນຳໃຊ້  “ ເອຊີລີດາ ຢູນີທີ ທັນໃຈ ” ຢ່າງເປັນທາງການ ພວກ​ເຮົາ​ຈະ​ໄດ້​ຮັບ​ການ​ລົງທະບຽນ ນຳ​ໃຊ້​ເຖິງ 5,000 ລູກ​ຄ້າ ​ແລະ ຍັງເປັນການສະດວກ​ສະບາຍ​ໃນ​ການ​ຊຳລະກັບ 177 ຮ້ານ​ຄ້າຜ່ານ QR code ແລະ ຈະ​ມີ​ການ​ເພີ່ມການ​ບໍລິການ​ອື່ນໆອີກຕາມ​ຄວາມ​ຕ້ອງການ​ຂອງ​ລູກ​ຄ້າໃນໄລຍະຕໍ່ໄປ.

ໃນ​ການ​ເປັນ​ທະນາຄານ​ທີ່ຂະຫຍາຍຕົວຢ່າງ​ໄວ​ວາ​ ທ່າມກາງ​​ເສດ​ຖະກິດ​ທີ່ກຳລັງ​ມີ​ການ​ພັດທະນາ​ຢ່າງ​ໄວວາ​ນັ້ນ, ພວກ​ເຮົາກຳລັງ​  ມ​ອງຫາ​ຮູບ​ແບບການ​ບໍລິການ​​​ເທິງ​ໂທລະສັບ​ມື​ຖື​ ແລະ ການ​ຊຳລະ​ແບບ​ຄົບ​ວົງ​ຈອນ, ພວກ​ເຮົາ​ຕ້ອງກາ​ນຮັບປະກັນ​ວ່າການ​ບໍລິການ​ທາງ​ໂທລະສັບ​ມື​ຖືຂອງ​ພວກ​ເຮົາສາມ​າດນຳ​ໃຊ້​ໄດ້​ຫຼາຍ​ຮູບ​ແບບ, ມີ​ຄວາມ​ປອດ​ໄພ​ໃນ​ການ​ນຳ​ໃຊ້ ​ແລະ ​ໃຫ້​ຄວາມ​​ໄວ້​ວາງ​ໃຈ ​ແລະ ຄວາມ​ເຊື່ອໝັ້ນ​ດັ່ງ​ທີ່​ເອຊີ​ລີ​ດາ​ໄດ້​ຕັ້ງ​ໄວ້. ທ່ານ ດຣ. ຮາ​ຍ ສະ​ວາຍ,​ ຜູ້ອຳນວຍການ​ໃຫຍ່ ທະນາຄານ ​ເອຊີ​ລີ​ດາ​ ກ່າວ​ວ່າ: ” ພວກ​ເຮົາ​ຈະ​ກ້າວ​ກະ​ໂດດ​ໄປຫຼາຍ​ກວ່າ​ການ​ບໍລິການ​ແບບ​ດັ່ງ​ເດີມ​ດ້ວຍ​ການ​ໃຫ້​ລູກ​ຄ້າ​ໄດ້​ນຳ​ໃຊ້​ເຕັກ​ໂນ​ໂລ​ຊີ​ລ່າ​ສຸດ​ຂອງ​ທະນາຄານ”

 

ກ່ຽວກັບ​ທະນາຄານ ​ເອຊີ​ລີ​ດາ ລາວ ຈຳກັ​ດ

ທະນາຄານ ​ເອຊີ​ລີ​ດາ ລາວ ຈຳກັດ​ ແມ່ນ​ທະນາຄານ​ລູກ ​ເຊິ່ງມີ​ທະນາຄານ ​ເອຊີ​ລີ​ດາ ມະຫາຊົນ​ ເປັນ​ບໍລິສັດ​ແມ່​ຢູ່​ປະ​ເທດ​ກຳປູ​ເຈຍ, ປະຈຸ​ບັນ​ມີ​ທັງໝົດ 41 ຫ້ອງການ​ ໃນ​ທົ່ວ​ປະ​ເທດ ​ແລະ ​ໃຫ້​ບໍລິການ​ທາງ​ດ້ານ​ການເງິນ​ພາຍ​ໃນ​ປະ​ເທດ​ມາ​ຫຼາຍກວ່າ 10 ປີ, ມາ​ຮອດ​ທ້າຍ​ເດືອນ​ພຶດສະພາ ປີ 2018 ທະນາຄານ ​ເອຊີ​ລີ​ດາ ມີ​ຍອດ​ສິນ​ເຊື່ອທັງໝົດ 115 ລ້ານ​ໂດ​ລາ​ສະຫະລັດ, ຈຳນວນ​ຜູ້​ກູ້​ຢືມ​ທັງໝົດ 32,981 ລູກ​ຄ້າ, ຍອດ​​ເງິນ​ຝາກ​ທັງໝົດຫລາຍກ່ວາ 92 ລ້ານ​ໂດ​ລາ​ສະຫະລັດ, 107,244 ບັນຊີ​, ຊັບ​ສິນ​ທັງໝົດ 158 ລ້ານ​ໂດ​ລາ​ສະຫະລັດ ​ແລະ ມີ​ພະນັກງານ​ທັງໝົດ 1,064 ຄົນ.

ທະນາຄານ​ໃຫ້​ບໍລິການທາງ​ດ້ານ​ການ​ເງິນ ​ແລະ ຜະລິດ​ຕະພັນ​ທີ່​ຫຼາກ​ຫຼາຍ​ແກ່​ລູກ​ຄ້າ​ທຸລະ​ກິດ, ອົງ​ກອນ ​ແລະ ລູກ​ຄ້າ​ລາຍ​ຍ່ອຍ​ຜ່ານ​ຫຼາຍ​ຊ່ອງ​ທ່າ​ງ. ທະນາຄານ ​ເອຊີ​ລີ​ດາ​ ເປັນ​ຜູ້​ດຳ​ເນີນ​ງານ​ໃນ​ຕະຫຼາດ​ລາຍ​ຍ່ອຍ ​ແລະ ​​ໃຫ້​ບໍລິການ​ລູກ​ຄ້າ​​​ຜ່ານ​ເຄື່ອຂ່າຍ​ຢ່າງ​ກວ້າງ​ຂວາງ, ມີຈຳນວນ 56 ຕູ້​ເອທີ​ເອັມ, ຈຳນວນເຄື່ອງຮູດບັດ 80 ເຄື່ອງ ​ແລະ ການບໍລິ​ການທີ່ທັນ​ໃຈ ສຳລັບ​​ລູກ​ຄ້າ​​ເພື່ອ​ໃຊ້ບໍລິການ​ຕໍ່ກັບທາງທະນາຄານ​ໄດ້​ທຸກ​​ມື້,ທຸກ​​ເວລາ ແລະ ທຸກ​ສະຖານ​ທີ່.

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...