ສຳນັກຂ່າວຕ່າງປະເທດລາຍງານຈາກປະເທດຫວຽດນາມ ເມື່ອວັນທີ 25 ມິຖຸນາ 2018 ວ່າ ສຳນັກງານບໍລິຫານຈັດການໄພພິບັດຂອງລັດຖະບານຫວຽດນາມຖະແຫຼງວ່າ ພົບຜູ້ເສຍຊີວິດແລ້ວຢ່າງໜ້ອຍ 7 ສົບ ບາດເຈັບ 5 ຄົນ ແລະ ຍັງມີສູງຫາຍອີກ 12ຄົນ ຈາກເຫດການນໍ້າຖ້ວມ ແລະ ດິນຖະລົ່ມໃນພື້ນທີ່ 2 ແຂວງຄື: ຫລ່າວກາຍ ແລະ ຫ່າຊາງ ທາງພາກໜືອຂອງຫວຽດນາມ ເຊິ່ງເປັນພື້ນທີ່ສູງ ເນື່ອງມາຈາກຝົນຕົກໜັກຕໍ່ເນື່ອງ ຖະແຫຼງການດັ່ງກ່າວລະບຸວ່າ ເຖິງແມ່ນວ່າຝົນຈະຕົກຫຼຸດລົງແລ້ວໃນແຂວງ ຫລ່າວກາຍ ແຕ່ທາງການຢ້ານວ່າຕົວເລກຜູ້ເສຍຊີວິດຈະສູງຂຶ້ນ ເພາະໂອກາດທີ່ຈະພົບຜູ້ສູນຫາຍນັ້ນໜ້ອຍຫຼາຍ ນໍ້າຖ້ວມ ແລະ ດິນຖະລົ່ມຍັງກໍ່ໃຫ້ເກີດຄວາມເສຍຫາຍແກ່ອາຄານບ້ານເຮືອນ ຖະໜົນ ແລະ ພື້ນທີ່ກະເສດໃນແຂວງທີ່ໄດ້ຮັບຜົນກະທົບ ຄິດເປັນມູນຄ່າເສຍຫາຍທີ່ 76.000 ລ້ານດົງ