ຕາມລາຍງານລະບຸວ່າ ສົມເດັດກົມພຣະນະໂຣດົມ ຣົນນະລິດ ຍັງມີສະຕິ ແລະ ສາມາດສົນທະນາໄດ້ຕາມປົກກະຕິ ເຊິ່ງອາການບາດເຈັບຂອງພຣະອົງແມ່ນກະດູກຂ້າງຫັກຫຼາຍຊີ່ ກະດູກນ່ອງດ້ານຊ້າຍຫັກ ໂດຍທາງຄະນະແພດຂອງໂຮງໝໍແຫ່ງໜຶ່ງໃນພະນົມເປນ ໄດ້ຖວາຍການຮັກສາ ແລະ ໄດ້ນຳສົ່ງພຣະອົງຂຶ້ນທ້ຽວບິນພິເສດມາຮັກສາທີ່ໂຮງໝໍໃນກຸງເທບ ປະເທດໄທ ເມື່ອຊ່ວງຮຸ່ງເຊົ້າຂອງວັນທີ 18 ມິຖຸນາ 2018 ຕາມເວລາທ້ອງຖິ່ນ
ດ້ານຕຳຫຼວດກຳປູເຈຍໄດ້ເປີດເຜີຍວ່າ ຄົນຂັບລົດແທັກຊີຄັນກໍ່ເຫດນັ້ນມີຊື່ວ່າ ທ້າວ ວັລ ສາເຣດ ອາຍຸ 34 ປີ ໂດຍຜູ້ກ່ຽວໄດ້ຮັບບາດເຈັບເລັກໜ້ອຍ ແລະ ໄປຮັກສາຕົວທີ່ຄຣີນິກແຫ່ງໜຶ່ງ ເຊິ່ງໃນຂະນະນີ້ໄດ້ຖືກຄວບຄຸມຕົວໄວ້ແລ້ວ
ສ່ວນທາງສຳນັກພຣະຣາຊວັງກຳປູເຈຍ ໄດ້ອອກຖະແຫຼງການເປັນເຈົ້າພາບໃນການຈັດພິທີງານສົບແບບລຽບງ່າຍໃຫ້ກັບໝ່ອມອຸ໊ກ ພັລລາ ໄວອາຍຸ 39ປີ ທີ່ວັດແຫ່ງໜຶ່ງໃນນະຄອນຫຼວງພະນົມເປນແລ້ວ
