ສຳນັກຂ່າວເອເອຟພີລາຍງານຈາກນະຄອນໂບກາຕາ ປະເທດ ໂຄລອມເບຍ ເມື່ອວັນທີ 14 ມິຖຸນາ 2018 ວ່າ ເຈົ້າໜ້າທີ່ສຳນັກງານຜູ້ອົບພະຍົບໂຄລອມເບຍເປີດເຜີຍເມື່ອວັນພຸດທີ່ຜ່ານມາວ່າ ຊາວເວເນຊຸເອລາໄດ້ອົບພະຍົບຂ້າມຊາຍແດນເຂົ້າສູ່ໂຄລອມມເບຍ 819.034 ຄົນ ໃນໄລຍະເວລາພຽງ 16 ເດືອນທີ່ຜ່ານມາ ໂດຍມີ 442.462 ຄົນໃນຈຳນວນດັ່ງກ່າວທີ່ໄດ້ຮັບອານຸຍາດໃຫ້ອາໃສຢູ່ໂຄລອມເບຍ ສ່ວນອີກ 376.572 ຄົນແມ່ນບໍ່ຜ່ານການກວດສອບ
ເຈົ້າໜ້າທີ່ຍັງກ່າວອີກວ່າ ຊາວໂຄລອມເບຍທີ່ອາໃສໃນເວເນຊຸເອລາ ໄດ້ອົບພະຍົບກັບຄືນປະເທດປະມານ 250.000ຄົນ ໃນໄລຍະເວລາດັ່ງກ່າວ
ຈຳນວນຜູ້ອົບພະຍົບອອກຈາກເວເນຊູເອລານັບວ່າເປັນຕົວເລກທີ່ສູງເປັນປະຫວັດສາດຂອງໂຄລອມເບຍ ຍ້ອນເວເນຊູເອລາກຳລັງພົບກັບວິກິດເງິນເຟີ້ຢ່າງຮຸນແຮງ ສົ່ງຜົນໃຫ້ເກີດພາວະຂາດເຂີນທາງດ້ານອາຫານ ແລະ ຢາຮັກສາໂຣກ