ສຳນັກຂ່າວຕ່າງປະເທດລາຍງານຈາກນະຄອນຫຼວງ ພະນົມເປນ ປະເທດ ກຳປູເຈຍ ເມື່ອວັນທີ 13 ມິຖຸນາ ວ່າ ກະຊວງການເງິນຂອງສະຫະລັດອອກຖະແຫຼງການເມື່ອວັນອັງຄານວ່າ ໄດ້ຂຶ້ນບັນຊີດຳ ຫົວໜ້າໜ່ວຍອາລັກຂານາຍົກລັດຖະມົນຕີ ກຳປູເຈຍ ເນື່ອງຈາກເປັນບຸກຄົນທີ່ “ມີສ່ວນກ່າວຂ້ອງໂດຍກົງກັບການລະເມີດສິດທິມະນຸດຂັ້ນຮ້າຍແຮງ” ນີ້ຖືເປັນຄັ້ງທຳອິດທີ່ລັດຖະບານວໍຊິງຕັນໃຊ້ມາດຕະການຂວ້ຳບາດທາງເສດຖະກິດຢ່າງເປັນທາງການຕໍ່ບຸກຄົນເຊິ່ງຖືວ່າເປັນສ່ວນໜຶ່ງໃນ “ກຸ່ມຄົນວົງໃນ” ຂອງລັດຖະບານພະນົມເປນ

ຖະແຫຼງການຂອງກະຊວງການເງິນສະຫະລັດລະບຸວ່າ ການຂຶ້ນບັນຊີດຳຕໍ່ ພົນເອກ ບຸນຮຽນ ເປັນໄປຕາມກົດໝາຍແມກນິດສກີ ສະບັບປີ 2012 ເປັນມາດຕະການຕອບໂຕ້ບຸກຄົນທີ່ຄໍຣັບຊັ່ນ ແລະ ລະເມີດສິດທິມະນຸດຂອງພົນລະເມືອງໃນປະເທດຕົວເອງ “ຢ່າງຮ້າຍແຮງ” ໂດຍຂອບເຂດຂອງການກົດດັນຮວມເຖິງການຢຶດຊັບສິນຂອງ ພົນເອກ ບຸນເຮືອງ ທີ່ມີຢູ່ສະຫະລັດ ແລະ ການຫ້າມບຸກຄົນສັນຊາດອາເມລິກາເຮັດທຸລະກຳໃດໆກັບເຈົ້າໜ້າທີ່ຜູ້ນີ້ເດັດຂາດ

ຂະນະທີ່ສຳນັກງານນາຍົກລັດຖະມົນຕີກຳປູເຈຍອອກຖະແຫຼງການປະນາມການອອກມາດຕະການດັ່ງກ່າວຂອງລັດຖະບານວໍຊິງຕັນວ່າ “ບໍ່ມີເຫດຜົນ” ແລະ “ບໍ່ມີຫຼັກຖານຊັດເຈນ”