ສຳນັກຂ່າວຕ່າງປະເທດລາຍງານຈາກເມືອງ ເຊນປີເຕີສ໌ເບຣິກ ປະເທດ ຣັດເຊຍ ເມື່ອວັນທີ 13 ມິຖຸນາ 2018 ວ່າ “ອະຄິລິສແມວຫູໜວກ” ເຊິ່ງໄດ້ຮັບການແຕ່ງຕັ້ງໃຫ້ເປັນແມວຜູ້ທຳນາຍຜົນການແຂ່ງຂັນບານໂລກ 2018 ທີ່ປະເທດຣັດເຊຍ ເຊິ່ງກຳນົດເປີດສະໜາມໃນວັນພະຫັດທີ 14 ມິຖຸນາ 2018 ນີ້ ເປັນຄູ່ທຳອິດລະຫວ່າງເຈົ້າພາບຣັດເຊຍ ກັບ ຊາອຸດິອາຣະເບຍ ໃນກຸ່ມເອ ທີ່ສະໜາມລຸຊນີກີ ສະເຕດຽມທີ່ ນະຄອນຫຼວງ ມອສໂກ ເຊິ່ງແມວ ອະຄິລິສ ໄດ້ເລືອກທຳນາຍດ້ວຍການກິນອາຫານໃນຖ້ວຍທີ່ມີທຸງຊາດຣັດເຊຍ ສະແດງວ່າມັນທຳນາຍວ່າ ຣັດເຊຍຈະເປັນຝ່າຍຊະນະໃນນັດເປີດສະໜາມ
