ໃນໄລຍະທໍາອິດ (ກ່ອນທີ່ມີຂໍ້ເຂົ່າພິການຫລາຍ) ຜູ້ປ່ວຍຄວນເບິ່ງແຍງຕົນເອງດ້ວຍການປະຕິບັດໂຕຢ່າງຈິງຈັງ ດັ່ງຕໍ່ໄປນີ້
1. ຖ້າຫາກມີນ້ຳໜັກກາຍ ຄວນຫາທາງຫລຸດນ້ຳໜັກໃຫ້ໄດ້ ໂດຍການຄວບຄຸມອາຫານ ແລະ ອອກກຳລັງກາຍ ຈະຜ່ອນແຮງກົດດັນຕໍ່ຂໍ້ເຂົ່າ ຊ່ວຍໃຫ້ບັນເທົາອາການປວດໄດ້
2. ຫລີກລ້ຽງການນັ່ງໃນທ່າງໍເຂົ່າທຸກຮູບແບບ ຄວນຫັນມານັ່ງເທິງຕັ່ງແທນການນັ່ງເທິງພື້ນ ລວມທັງບໍ່ຄວນນັ່ງແບບຢອງຢໍ້ ຄວນປ່ຽນເປັນວິດທີ່ເປັນຊັກໂຄກ ຫລື ນັ່ງເທິງຕັ່ງນັ່ງ ທີ່ເຈາະຮູສູນກາງວາງງວໍາ ວິດຊຶມ ຫລີກລ້ຽງການຍ່າງຂຶ້ນລົງຂັ້ນໄດ ການແບກຂອງໜັກ ຄວນປ່ຽນອິລິຍາບົດເລື້ອຍໆ ຢ່ານັ່ງ ຫລື ຍືນຢູ່ໃນທ່ານັ້ນດົນໆ ເຫລົ່ານີ້ຊ່ວຍໃຫ້ບັນເທົາອາການປວດ ຫລຸດການໃຊ້ຢາລົງໄດ້
3. ໝັ່ນບໍລິຫານຂໍ້ເຂົ່າໃຫ້ແຂງແຮງທຸກມື້ ກໍຈະຊ່ວຍໃຫ້ບັນເທົາອາການປວດໄດ້ເຊັ່ນກັນ
4. ຖ້າຫາກຍັງມີອາການປວດເຂົ່າຫລາຍ ໃຫ້ກິນພາລາເຊຕາມອນເທື່ອລະ 1-2 ເມັດ ບັນເທົາເປັນບາງຄາວ ຢ່າກິນຕິດຕໍ່ກັນດົນໆ ອາດເກີດໂທດ (ເຊັ່ນ ຫມາກໄຂ່ຫລັງຊຸດໂຊມ ແພ້ຢາ) ໄດ້
5. ຫລີກລ້ຽງການໃຊ້ຢາແກ້ປວດຂໍ້ (ຢາຕ້ານອັກເສບທີ່ບໍ່ແມ່ນສະຕີລອຍ) ຍາດຕີລອຍ (ປະສົມຢູ່ໃນຢາຊຸດ ) ເພາະມີໂທດຫລາຍກວ່າຄຸນປະໂຫຍດ