ນາຍົກລັດຖະມົນຕີແດນໝີຂາວ ປະກາດຊັດໜ້າ EU ແລະ ອາເມຣິກາ ຫາກຂວ້າມບາດຣັດເຊຍເພີ່ມໂດຍບໍ່ຍຸດຕິທຳ
ຈະປິດນ່ານຟ້າໂດຍບໍ່ໃຫ້ບໍລິການກັບສາຍການບິນທີ່ມາຈາກ EU ແລະ US.
ສື່ຕ່າງປະເທດລາຍງານ ໃນວັນທີ 8 ກັນຍາ 2014 ຜ່ານມານີ້ວ່າ ທ່ານວະລາດີເມຍ ເມດເວເດບ ນາຍົກລັດຖະມົນຕີຣັດ
ເຊຍ ປະກາດຈະສັ່ງຫ້າມເຮືອບິນຈາກເອີລົບ ແລະ ສະຫະລັດບິນຜ່ານນ່ານຟ້າຂອງຣັດເຊຍ ໂຕ້ຕອບມາດຕະການ
ຂ້ວາມບາດຄັ້ງໃໝ່ ຫາກສະຫະພາບເອີລົບ ຫຼື EU ຮ່ວມກັບສະຫະລັດອາເມຣິກາ ໃຊ້ຄວາມສຳພັນລະຫວ່າງກັນລົງໂທດ
ຣັດເຊຍຢ່າງບໍ່ຍຸດຕິທຳ, ທັງນີ້ ສະຫະພາບເອີເລົບ ມຸ່ງເປົ້າໄປທີ່ສະຖາບັນການເງິນ ແລະ ກິດຈະການດ້ານພະລັງງານ
ຂອງຣັດເຊຍ ໂດຍອ້າງວ່າ ຣັດເຊຍໃຊ້ກຳລັງທະຫານຮຸກຮານອູແກຣນ ເປັນເຫດຜົນສຳລັບການລົງໂທດ.
ໃນຂະນະທີ່ຣັດເຊຍ, ອູແກຣນ ແລະ ກຸ່ມແບ່ງແຍກດິນແດນ ຮ່ວມກັນເຈລະຈາຢຸດຍິງກັນ ເມື່ອວັນສຸກ (5 ກັນຍາ) ທີ່
ຜ່ານມາ ໂດຍມີລາຍງານຈາກການເຈລະຈາວ່າ ຄວາມຮຸນແຮງທີ່ເກີດຂຶ້ນຈະຕ້ອງຢຸດຕິ ແລະ ແຜນການສ້າງສັນຕິພາບ
ຈະຕ້ອງໄດ້ດຳເນີນຕໍ່ໄປ.